12月已經話想去電髮, 攪到今時今日, 終於去左喇!
老闆叫我番公司嘟卡先, 咁就可以當我出去做嘢, 就唔使請大假喇, 所以我留左公司一陣就出去! 因為我咁樣出一出去, 始終都要同馮小姐講聲, 當然我唔會同佢講老闆咁樣叫我番左嚟先啦, 所以我就同佢講我請左幾個鐘頭假出去電髮!
馮小姐聽到我話去電髮, 佢就第一時間就話想去電, 仲要係去搵我嗰個師傅電! 之前, 佢同我都係同一間salon, 不過就唔同師傅! 佢嗰個師傅真係堅喇, 第一次同佢電髮就熱到佢個頭起水泡, 打番電話比個師傅, 個師傅居然唔認, 仲要話馮小姐個頭跟本就有瘡, 唔關佢事! 其實比著我, 我唔會再去搵條pk師傅囉, 不過呢個世界好多迷, 因為馮小姐係唔老黎之下都繼續去! 佢話唔好意思唔搵佢, 搵第二個喎!!! 到左唔知第幾次, 馮小姐個頭整左大半, 個師傅就叫馮小姐坐係門口(唔知做乜), 當時馮小姐個頭仲濕架, 而且仲著住salon件衫, 戇九九咁住左係到等, 唔知等乜, 咁門口個receiption 就問馮小姐知唔知仲要做d咩, 既然話得馮小姐戇九九, 佢就更係唔知啦, 所以一問之際, 原來話佢濕dead dead嗰個頭係已經ok喎!!!
自呢次之後, 馮小姐就再冇去嗰間salon喇, 轉移北上, 上大陸電髮!!! 電左一次之後, 就成日同我講好抵好抵, 好似想我同佢一斉北上! oh, sorry, no way!!! 大陸, 我信唔過d人, 更加信唔過佢d用品囉!!!
今日馮小姐聽到我話電髮, 佢又話去喇! 不過我電完番嚟, 佢聽到話加左價, 佢就即刻縮沙,因為佢而家 lone 到連車都要賣埋! 既然咁lone, 我都唔明之前仲咩仲要死撐係私家生啫!
死要面，大把日子佢受呀)))
回覆刪除[版主回覆03/08/2011 12:28:00]佢真係受緊喇!
你老細都好愛你 wor! 比你去電髲 ~
回覆刪除我老細話佢個仔病都要返工 => 話我地請病假 ~ 佢真係痴總制! 比埋條命你好唔好!?
呢個馮小姐真戇九九到不得了 ~ 不過, 佢咁戇, 又好似有 d 可憐, 唉 ~
[版主回覆03/08/2011 12:56:00]我老闆費事我成日請大假嘛, 好似上年咁就要同我埋單, 因為我已經advance 到2014年喇! 我老闆係非一般老闆嚟, 同d客買左3部 iphone佢都話唔收佢地錢, 就知佢有幾非一般啦!
馮小姐個人真係好戇居架, 個人又蠢又自私, 得罪左人又唔知, 但係又要死認叻!
好好笑呀, 佢係咪低能白痴架!
回覆刪除[版主回覆03/12/2011 09:59:00]所以我咪話呢個世界好多迷囉！比著我都唔會再有第二次啦!