算把啦~

前日馮小姐同我講話佢老公要搵人擇時辰八字開刀(我個心諗, 越攪越多嘢, 唔通擺酒"讚"左錢?!), 所以放左工就去符機, 問下邊日同咩時辰開刀!

尋日佢番嚟同我講, 符機出嚟話佢會早產, 所以比唔到日子佢, 叫佢順其自然!

所以佢打電話去DR FAN到問, 如果早產費用會係點計, 因為佢已經去左法國落訂喇!

姑娘話, 如果佢而家唔擇日子, 就唔使比多二千幾三千, 但係如果佢早產而又係非辦工時間, DR會收二千幾之外, 醫院仲會收多萬幾蚊, 因為佢選擇開刀, 就會係咁!

佢一聽到無論係咩情況, 只要係非辦工時間醫院都係會收多萬幾蚊之後, 佢就好似唔係好想! 因為可能加埋DR嗰邊要比多兩萬, 跟住再加加埋埋, total可能要比5-6萬!

佢好似想問我點咁, 佢都未問我, 我都已經答佢: "係你自己攞嚟架喎! 係你自己話要開刀架喎! 你係唔係諗住開刀唔痛呀?! 你唔好妄想喎! 個子宮都會痛架喎! 而且你仲多左個傷口痛架!"

佢聽完, 佢好無奈! 我知道佢好似想縮沙, 因為佢之前問過我係私家生要幾多錢, 以為最多係多我少少, 但係而家就計左就越計越多!

其實我真係覺得算把啦! 明知有d嘢係計唔到咁多架啦, 而且自己手頭咁緊, 就唔好死充啦!