今日出左去同奶奶&姑奶s食飯, 兩個姑奶 & family就到先, 滕滕同老公就第二, 我就最遲!
食完飯, 二姑奶同我講話佢地一去到就叫佢地唔好坐係佢隔離, 坐對面, 因為要留番個位比滕滕坐! 所以姑奶一聽到奶奶咁講就話喇: "亞媽, 你想軒軒坐你隔離咋!"
你話呢個嫲嫲幾渴見到滕滕呢!
食完飯, 我地就去左青衣我佰娘到, 因為家姐幫我訂左奶粉係平d, 所以就襯住出開去就上埋去攞囉!
一去到, 豆豉表弟啱啱瞓醒起身, 坐左係到仲懵下懵下! 起初就冇乜嘢啦, 不過望下滕滕表哥一陣就喊起上嚟喇, 你話佢幾鬼冇用呢!
滕滕只係輕輕摸左豆豉隻腳仔一下就開始喊喇!
仲越喊越淒涼潻!
豆豉表弟, 第日點出嚟玩呀!!!
佢燕滕滕咬佢，哈哈哈哈哈哈哈
回覆刪除[版主回覆06/22/2010 14:20:00]咁佢都知???
滕滕係咁望住表弟個口0係咁嗌,
回覆刪除膝膝個樣好攪笑, 心諗表弟做咩呀
[版主回覆06/22/2010 15:19:00]可能係諗緊, 都唔知仲咩無啦啦喊?!
唔係喎, 睇第一張相, 滕滕個樣好似兇緊人咁款喎!
回覆刪除[版主回覆06/22/2010 22:50:00]我都唔明佢無啦啦仲咩整個咁嘅樣出嚟?!
回覆刪除滕滕: 我嚟到你仲敢瞓
豆豉表弟: 咁人哋眼瞓呀嗎, 而家咪起咗身囉
滕滕: 你仲駁咀, 記唔記得上次呀
豆豉表弟: 嗚嗚嗚...
滕滕: 係咪想我好似上次咁呀
豆豉表弟: 阿媽, 快D抱走我喇, 表哥又想兜巴星我喇, 嗚嗚嗚...
[版主回覆06/25/2010 09:32:00]鳴謝熙媽再一次為我地嘅戲劇組加左咁多光彩