今日我影左張BB要幾時要打針, 打咩針比馮小姐睇,因為等佢有定心理準備要用好多錢!
影左比佢, 佢問我咩嚟, 我就同佢講, 左手邊就係政府一定要打嘅針, 係唔使錢, 而右手邊就係唔一定要打嘅, 如果要打就要係私家比錢打架!
佢一聽到, 第一時間答我: "唔得! 梗係一定要打啦!" 我跟住就話, 因為政府包左你嗰d, 就一定係好緊要架喇, 所以先一定要打, 如果唔係, 就係係右手邊嗰d, 你自己可以選擇打定唔打!
同埋, 因為有咩4合1, 5合1 & 6合1嗰d針, 我就解釋晒比佢聽, 佢聽完就問我幾多錢! 我一同佢講, 初初幾個月, 如果全部係私家打, 預番2000蚊樓下一次啦!
佢一聽完個銀碼, 對眼當堂跌左出嚟, 跟住就"嘩"左一聲! 我跟住就同佢講: "所以咪睇餸食飯囉!"
講完打針, 我又同佢講, 叫佢睇下需唔需要買保險! 哈哈, 佢又問我買咩保險喇, 買嚟仲咩喎! 跟住, 我又講點解要買, 其實係可以唔需要買, 都係睇下你點睇啫!
佢聽完, 就話: "嘩, 好頭暈, 又好頭痕, 唔知點, 又唔識可以點!"
馮小姐, 你估你以為生個bb真係咁易架, 為左比個死對頭睇到你而家好幸福就攪咁多嘢, 擺酒都係而家啱啱先儲夠錢, 你轉頭又話要係私家生, 好怕痛, 遲d男朋友個女又番嚟同你地一斉住, 大把錢要用, 叫你諗清楚你就懶醒話係呀, 決定左喇! 好啦, 我真係睇下你到時有幾大獲, 睇下你連3蚊一個蘋果你都唔捨得食呀!!!
佢何止大鑊咁簡單呀~我想問馮小姐好耐架喇, 佢係邊度聽返嚟去私家開刀係唔痛架???無論政府/私家開完刀都一定痛架喇, 佢俾嗰幾萬蚊係買service架咋~同埋D醫生同姑娘講野客氣D架咋, 唔痛...有排佢痛呀~無知婦孺就係呢D人喇!
回覆刪除[版主回覆06/05/2010 10:21:00]佢個朋友同佢講架! 同埋佢以後開刀只係個傷口痛囉! 但係佢冇諗過, 如果作動早過佢開刀嗰日, 佢就知死喇........
佢同咁多錢, 都係想要face 啫, 我明!
佢成日都勞勞嘈嘈, 我諗佢都會係早嗰隻, 只係唔知會早幾多咋, 你可以嘅話就勸下佢喇, 如果唔係洗嗰D錢真係好唔抵架~
回覆刪除[版主回覆06/05/2010 23:20:00]勸佢? 唔係呀化, 唔勸! 咪尤佢早囉, 等佢以為咁過引都好吖!