自從食飯呢個問題好煩惱之後, 而家又另外一樣, 就係瞓覺喇!
最尾餐奶, 除左去街番唔切嚟，基本上日日都係由我自己嚟。以前滕滕未完全入睡嗰時，放抵左佢係床仔，我都已經可以出房，但係而家，點解唔同左嘅？！
自從呢個星期開始，我見佢差唔多瞓著，我都係會放抵佢，但係一放抵，佢就會撐開佢對眼望實我！如果我用手拍下佢，佢都可能會合埋雙眼，但係我隻手一停低，佢又會望住我！以前都唔使咁拍住架，但係而家唔拍，一行開，或者我一上床，佢就喊，跟住就會起身行去我床嗰邊，企係我面前大叫大喊，慕求要我起身為止！
我試過唔理佢，尤得佢喊，我照瞓，但係佢就堅持係咁大叫大喊。我亦都試過出房唔理佢，但係佢都係好堅持！但係當我去抱番佢，佢就會即刻收聲，仲好乖咁合埋雙眼瞓覺！
我覺得係比佢恰我囉！點解我一想（只係想咋）行開，佢就已經喊定先？
滕滕，點解你要恰我？？？ 點解？？？！！！
你太就佢....你要出口述同樣述表示你惡, 佢就可能會收歛d
回覆刪除[版主回覆06/27/2010 15:05:00]如果唔係瞓覺時, 我惡佢佢會怕, 但係如果太夜, 我唔想太嘈, 因為真係會影響到樓上樓下瞓覺架, 所以夜晚真係好難攪, 所以我知道佢好似知道夜晚就係佢嘅世界!
唉。。。佢哋真係越嚟越惡, 熙熙由係醫院返嚟嗰日開始, 唔准我刪房門呀, 點都要留返少少光俾佢, 之後都要玩一輪先肯正正經經去瞓, 佢個瞓覺時間而家改到11點幾喇~
回覆刪除[版主回覆07/02/2010 15:33:00]我都好怕......好怕........