個工人時不時就同佢講"DUCK", 又問滕滕得唔得, 所以滕滕呢輪好攪笑, 佢會自己都會耐唔耐無啦啦係到"得""得""得"!
我同老公, 就會無啦啦問滕滕"得唔得呀?!, 咁滕滕就會答"得"!
但係當滕滕走埋嚟問我攞嘢食, 我同佢講: 你叫"媽"啦!
滕滕就會: "唔!""唔!!""唔!!!"
我係咁講"唔咩啫", 係"媽!""媽!!""媽!!!", 但係佢都仍然係"唔!", 因為佢已經好唔耐煩, 好似叫我快D比佢食! 越叫佢叫, 佢就越唔叫! 但係, "得"佢就係咁"得"!
滕滕, 你叫下"媽"得唔得呀~ 你叫"得"仲多過叫"媽", 仲咩咁喎~!!!
"得"字易發音, 連我呀B都會講"得", 你咪吃醋啦!
回覆刪除[版主回覆06/06/2010 20:54:00]佢成日都得得得, 更係更係有小小架啦!
遲啲唔好話 滕滕“媽”得你太多啊！ 媽呢個音係比較難發音的，耐心等候！
回覆刪除[版主回覆06/06/2010 20:55:00]我已經有心理準備佢遲D係咁媽架喇, 因為佢而家搵我都多過佢老豆架!
你叫姐姐唔好同佢講"得"，日日夜夜同佢講"媽"咪得囉
回覆刪除[版主回覆06/07/2010 11:45:00]個工人好醒, 我一打電話番去佢已經係咁係滕滕面前講"媽媽"架喇, 我係屋企個工人都成日講架, 不過可惜, 佢都係咁得得得囉!