張high chair 唔用會放番入細房, 今朝入細房攞尿片同滕滕換, 佢一見到張high chair, 佢就拉住張椅同我講 mom mom! 但係因為都係早上十點幾, 所以我就同佢講都未夠鐘食mom mom, 一陣先啦! 跟住叫佢出番嚟, 咁佢就出番嚟喇!
你條友仔, 平時食飯坐係張椅到就周身唔自在, 好似要逃出生天咁, 如果唔想你落地, 食咁餐飯就要搵九十幾樣嘢比你玩, 等你坐定定食埋碗飯! 而家未夠鐘, 你就拉張椅, 跟住同我講 mom mom!!!
咁即係本身你都係知道食飯要坐好啦, 咁你亦都知道食飯係要坐係呢張椅到啦, 咁你以後食飯可唔可以唔好咁百厭, 係到典床典稿席咁死都要走呀!!!
佢嗰刻會唔會係肚餓呀
回覆刪除[版主回覆06/28/2010 11:59:00]都未夠鐘, 餓咩喎! 佢為食咋! 佢食完飯跟住出去飲茶, 佢都可以仲食好多嘢架!
滕滕有小小鍾意左佢 ( Hair chair) 呀 ! 哈哈
回覆刪除[版主回覆06/28/2010 11:58:00]應該唔會囉, 因為而家日日食飯都嘈架!
bb唔識飽嘛
回覆刪除[版主回覆06/28/2010 12:18:00]其實都唔係架!
由佢兩個幾月開始, 佢比我"質"奶佢飲, 佢就已經開始反抗!
好似佢而家咁, 佢雖然食完飯仲可以食嘢, 但係佢食到某個moment, 再比佢食, 佢都唔食, 搵手推開喇!
而家Ｄ細路係知飽架，只係為食咋~
回覆刪除[版主回覆07/02/2010 15:33:00]真係好為食!!!