每逢好天, 我都叫個工人同滕滕係屋企下面個公園行下, 等佢(兩個)都唔使咁悶, 可以望下街!
之前個工人已經同我講, 滕滕回程時, 係屋企樓下就唔願行番上樓, 要行反方向!
今日, 個工人去完公園番到嚟打比我, 同我講, 滕滕知道要番屋企, 係樓下大門企左係到喊, 唔肯入門口!
好好笑呀 
所以同個工人收左線之後, 我就第一時間打比細細佬, 同佢講, 佢遺傳左d嘢比滕滕, 但係唯一唔同嘅就係滕滕唔會好似佢細個個時, 番到屋企就追住我嚟打 
所以我幻想到滕滕企係到嗰時個樣, 會好樣衰, 不過樣衰得嚟又好可愛
我都想睇滕滕個衰樣呀! 工人姐姐識唔識影片呀?
回覆刪除[版主回覆05/05/2010 12:23:00]我已經叫左個工人, 今日落完公園番屋企, 如果滕滕又係係樓下喊, 唔肯番入去, 我就叫佢影低比我睇!
如果今日有, 我就今晚post上嚟吓!
我都見過有個細路出咗街唔肯返上樓係樓下喊, 喊得好大聲. 個呀媽好尷尬架. 第日你帶佢出去時, 諗定點帶番佢上樓先喇!
回覆刪除[版主回覆05/06/2010 10:58:00]係個工人同我講嘅前一晚, 我同我老公都帶左佢落樓買嘢飲, 佢都冇嘈到唔想番!
我覺得佢係恰個工人囉!
咁唔通要行到瞓著至肯返屋企?哈哈哈
回覆刪除[版主回覆05/06/2010 10:58:00]係行到佢認為飽喇, 先番去!
洗唔洗抱架?
回覆刪除[版主回覆05/06/2010 12:00:00]一時時啦, 佢有時都好嗲, 要抱架!