滕滕原本最初食粥仔嗰時, 都係只唔鐘意帶口水牌, 要扯出嚟, 所以冇比佢帶之後, 都冇乜特別, 基本上5-10分鐘就可以食晒碗粥仔!
但係自從開始食飯仔冇耐, 佢就開始坐唔定! 因為我唔想好似有d人咁, 追住嚟餵食飯仔, 所以我都幾堅持一定要佢坐係張high chair 到食! 由原本只係可以比一樣玩具佢食住嚟玩, 整下整就加比左兩樣.......三樣.........!
再者, 原意本身都唔係好想比玩具佢架, 因為想佢專心食嘢, 不過唔比, 佢就唔肯食, 鬧佢都唔理! 後來, 再過多一段時間, 比佢d玩具佢, 已經再冇興趣, 咁就唯有比水樽, 比保嬰單個盒佢(因為有保嬰單係入面, 搖下搖下就有聲喇), 比一d唔係玩具嘅嘢佢, 但係都係只不過維持左一段時間係可以坐定囉! 而家, 食左半碗, 佢就企左係張high chair 到, 唔肯坐, 唔肯食, 又發皮4~
我本身一路都好堅持要佢坐係張high chair 到食飯, 因為我想食飯要定時, 食飯就坐好, 唔好食食下就走去玩, 要佢養成一個好習慣, 但係而家, 就越嚟越難攪! 佢而家係懂小小又唔係好懂之間, 佢有佢嘅皮4, 佢唔鐘意就唔理, 但係當我地鬧佢嗰時, 佢又知道我地鬧, 而且仲會扁咀! 雖然佢知道比人鬧就會停, 但係都只係一陣, 因為過一陣佢會唔記得, 又再嚟過!
我個 limit 已經越set越低.........一路以嚟都係堅持要有固定嘅規律, 但係佢又唔係下下都配合, 因為佢越嚟越大, 再唔係一舊飯咁比我去舞喇, 但係我唔想尤得佢鐘意點就點, 所以真係好懊惱囉~
我同你都係一樣, 條底線越set就越低...好無奈呀!而家熙熙開始要一件玩具先會食埋嗰半碗粥呀, 我估佢遲D都會好似滕滕咁架喇!
回覆刪除[版主回覆06/10/2010 15:04:00]真係好無奈~
係喇! 我呀B都開始扯口水肩, 但係我仲堅持緊唔俾玩玩具, 唔知頂得幾耐.
回覆刪除都唔明佢地點解咁鐘意扭計?
[版主回覆06/10/2010 16:09:00]佢地都唔算係扭計嘅, 我只不過覺得佢想發洩佢自己情緒啫, 因為佢地好直接, 唔鐘意就唔鐘意! 同埋而且可能連佢自己都唔知佢地咁做係叫扭計都唔定!
有d 人話整d 得意愛心造型飯盒 / 便當吸引佢地食
回覆刪除佢地會安心坐係度食,
你參考一下, 不過, 好浪費時間去整
http://hk.myblog.yahoo.com/jump-tigger/index?l=f&id=23
[版主回覆06/13/2010 17:40:00]D便當真係好靚喎, 不過我諗要等佢地再大D先會識欣賞, 因為佢而家比佢見到, 都一手揸爛晒啦 !
我諗遲D啦, 可能讀K1之後, D靚靚便當就有用喇!
多謝晒你D資料, 我張佢加入去BLOG到先! THX!
吉仔都唔鐘意用口水肩,我都冇俾佢用喇,最緊要佢肯坐定定,佢食飯時我一時時俾玩具佢,佢多數要紙巾多,最仲要係有電視廣告俾佢睇,就一定坐到定一定~
回覆刪除[版主回覆06/12/2010 15:21:00]但係我唔想成日比佢睇電視呀~!
係咪天氣太熱無胃口呀?
回覆刪除[版主回覆06/12/2010 15:21:00]過左25度都已經開左冷氣, 咁何來冇胃口呀~?! 佢跟本就開始坐唔定喇!
你都係近排煩啫… 我係由day 1 食糊仔到家下都係咁… 我都無晒辦法，當佢食到喊嘅時候就係我哋收枱嘅時候 @@
回覆刪除[版主回覆06/13/2010 17:20:00]我睇會你嘅心情喇, 因為真係冇佢地乎囉~
鬧又唔係, 打又唔係, 比佢玩嘢又唔係...........都唔知幾時先可以安安落落咁坐定定呀~?????????????????????!!!!!!!!!!!!!!!!!!!!!!!
呢個係一個過渡期, 千祈唔好將底線越set越低，如果唔係，第時有排教！BB好聰明，如果你give in，佢就知道媽咪可以咁樣。 如果佢唔肯食，就同佢講，宜家唔食，夜晚肚餓就無得食。 宜家可能聽唔明，但你試一兩次之後，佢就知道發生mug嘢事。到夜晚半夜，如果BB喊肚餓，就唔好比佢食，咁樣佢先知道要食好D, 不過好多時都係媽咪忍唔到。。。你可以試下！
回覆刪除[版主回覆06/19/2010 11:44:00]我係個CAM到睇到個工人有時都冇同佢坐係張high chair到, 佢都可以食晒, 但係我又唔係好想, 因為我覺得食飯要坐好嘛! 所以我次次都迫到佢食晒為止先肯比佢走人!
佢好少喊餓架, 因為有時佢食左先到我地食, 就算佢之前碗飯仔係食晒都好, 佢都又要再食我地嗰d, 所以好為食, 無論咩時間佢都可以食得嘢落肚!
不過, 如果佢下次唔肯食, 我就試下唔比佢食其他嘢, 泡制下佢先!