點解個天要咁對我呀??? 我已經一放工, 番到屋企, 就湊滕滕架啦, 我撫心自問, 我已經盡量用晒我d時間去同滕滕玩架喇! 我每一晚, 都一定要自己去餵最尾嗰餐奶! 夜晚瞓覺, 我都堅持要佢係我地房瞓!!! 點解? 點解吖???
今日個工人放假, 滕滕就扭足成日計, 佢以前都唔係咁架! 點知, 個工人7:30番左嚟, 佢就第一時間去搵個工人, 個工人去沖涼, 佢就嘈要去搵佢! 到個工人沖完涼之後出左嚟, 跟住同佢玩, 滕滕就完全唔同晒, 同我之前嘅態度完全唔同, 仲係到笑, 係到玩!
我真係好妒忌呀, 我個地位不保喇!!!
可能我屋企有 99, 所以臭豬唔係太 "chi" 姐姐，所以我哋三個佢都 "chi"
回覆刪除反而 papa 抱緊，我哋三個是但一個行過，臭豬就會叫救命 …
你試下响屋企嘅時候抱滕滕多啲，我一放工就抱到臭豬實一實，好似連體嬰咁，我諗咁樣會有啲效 (因為我落咗聖旨唔比 99 同 姐姐 抱住佢，我响個 cam 到一見到佢哋是旦一個抱住佢，我就會 send SMS 比老公，叫老公打返去叫佢哋放低個女 … 因為我等臭豬知道其他人唔會抱佢，只有媽咪先會去抱佢 hohoho ~ 我真係好變態 )
[版主回覆04/12/2010 17:11:00]我已經一番到去痴住滕滕痴到實一實架喇!
好似上次復活節咁, 個工人放左兩日假, 第二日番嚟, 個工人行去廁所咋, 佢就已經叫住嘈喇!
仲有, 我番左工, 個工人有d時候真係唔可以唔抱佢架嘛, 所以你個方法我唔啱使呀~
你始終都係媽媽呀，點會地位不保呢
回覆刪除[版主回覆04/13/2010 22:05:00]你都唔知呀, 睇到都好心酸架!