老公有時要求咁高, 原來都係冇錯!

我地用開嗰個竹針板已經四分五裂, 所以早幾日食飯個工人再提醒我地要去買針板!

因為屋企每一樣嘢, 老公都會好煩咁話要我同佢一斉去買, 因為我之前買左個buffalo嘅水煲, 係一個好普通嘅水煲, 佢話我, 以後買嘢唔好自己去買, 要等埋佢, 因為個水煲好核突!  一個普通水煲要嚟煲水啫, 你想要有幾靚呀?! 

所以個工人講話要買針板, 呢, 普通嗰d就得喇, 我就同個工人講, 你唔會知道/明白佢要d咩架喇, 因為之前嗰個竹針板, 佢搵左好耐先買到, 因為嗰時都唔係咁多到地方可以買到呢類型竹針板! 老公一聽見話要買過個針板, 佢就已經話要係jusco買, 因為jusco而家有得賣, 不過唔知係唔係因為佢呢排成日要 OT, 跟本就冇咁多時間, 所以前日佢無啦啦係實惠買左個木針板番嚟!

尋日個工人同我講, 先生買嗰個木針板唔好用, 因為chop豬肉嗰時, 有小小毛出嚟, 其實一般針板都會, 而且豬肉檔嗰d都係咁, 不過個工人話有毛出左嚟, 我第一時間就諗起滕滕會食左落肚! 因為張sofa 已經比佢食左唔少皮, 張bb床又比佢食左唔少油, 張地墊又比佢食左唔少膠, 如果連針板d毛都食唔少的話, 我好怕佢個肚會唔掂囉!

所以諗諗下有時老公雖然係幾鬼煩, 買乜都要同佢去, 但係如果佢唔係咁, 點顯得佢細心過我呢!