今日星期一, 冇飯帶, 所以出去食!
我問: 食咩呀? 係唔係食常餐呀?
同事+朋友: 係呀! 因為我而家只係食到呢d嘢架咋!
我: 個個陀仔都係咁架啦!
同事+朋友: 係咩? 你嗰時都係咁嘅咩? XXX(佢個朋友我都識)話佢嗰時好食得架喎!
佢講完呢句, 我唔想再答佢, 我陀緊滕滕嗰時, 佢都已經同我一斉做嘢, 佢咁問, 好似冇同過我一斉做嘢咁..........
同埋, 我陀仔, 都唔會日日都係到講咁多廢話!
係番公司途中~
同事+朋友: 我尋日去睇過D大肚褲呀! 好貴呀, 成八十幾蚊一條!
我: 你冇嘢吓嘛, 八十幾蚊一條已經好平架喇! D大肚褲有D要幾舊水, 好似D牛仔褲咁, 有D都要成八舊幾水啦!
同事+朋友: 嘩, 乜咁貴架! 咁我係唔係要番去買呀?
我: 八十幾蚊, 都已經真係好很平喇! 不過, 你使唔使而家買呀(因為佢得嗰個幾月咋!)? 一係等我番屋企, 搵下之前D大肚衫比你啦!
其實佢講咁多嘢, 都係想問我睇下我有冇得比佢, 我唔明點解佢要咁間接! 識我嘅人都知我如果有D咩可以比, 或者幫, 我都一定會幫, 所以我覺得佢跟本就係想我自己開口話比佢, 因此.................我中左伏!
妖...點解你仲會答嗰8婆架?俾著我答多句都嫌費事呀!
回覆刪除[版主回覆04/19/2010 22:55:00]我份人就係咁, 我容易心軟架(睇我個樣, 唔似吖), 有時見佢冇咩嘢, 我會同佢吹下水, 教佢好多嘢(因為佢好7, 好多嘢都問我點做)!
但係有時就頂佢好唔順, 7 & 煩到死!!!
你好似我, 我又好似你, 成q日都係衰心軟, 強硬唔起, 所以成日都會俾人蝦, 仲要係講出嚟都唔會有人信, 最慘仲係屋企嗰個衰佬呀, 知晒我哋d弱點~
回覆刪除[版主回覆04/20/2010 09:23:00]個人心軟真係好大獲架!!! 學你話事計, 有時想做得賤d, 都做唔出! 真係講出嚟都冇人信呀!!!!
我同你都食晒啦, 死晒死貓呀! 仲要好飽潻!
頂!!!你又仲乜咁好人答佢呀，學精咗，以後唔好中佢計啦，你話佢蠢?扮豬食老虎咋
回覆刪除[版主回覆04/20/2010 11:18:00]我覺得今次同之前嗰次耳環事件一樣: 佢見我買左對水晶耳環, 我覺得佢想問我借, 但係就話想買, 不過連20蚊對玻璃耳環都話貴, 跟住氹下氹下我, 等我話借比佢! 嗰時好衰唔衰, 我自己又唔記得對水晶耳環係買嚟佢結婚嗰時帶喎, 我就一口講左出嚟話借比佢喎!
所以我跟本就lai左嘢, 中左伏!
都係嗰句，扮豬食老虎
回覆刪除[版主回覆04/20/2010 14:25:00]佢唔使扮, 因為佢生肖係豬!
我真係好鐘意你呢個FRIEND!!!!
回覆刪除[版主回覆04/21/2010 16:33:00]使唔使介紹比你識呀 !
我驚到時俾佢氹到連自己都俾埋佢呀!
回覆刪除[版主回覆04/21/2010 16:53:00]咁你又放心, 佢只係想要佢想要嘅嘢啫!