前面諗左一晚, 尋日朝諗左半day, 我終於都同左我嘅同事+朋友講左喇!
事原其實係前晚個工人煮左蕃茄豆腐煮肉碎, 因為我自己啱啱有左嗰時唔係好敢食豆腐, 因為豆類寒涼, 所以我一見到個工人煮呢個餸, 我就諗起我個同事+朋友唔知食唔食得! 因為之前我自己最初都冇食, 所以尋日帶左番工, 我亦都同佢講, 唔知佢可唔可以食唔食! 你知啦, 一陣有咩事, 我點擔當呀, 話晒佢而家有左, 仲成40歲人, 咁高齡, 有d咩事, 好危險架嘛!
所以係尋日開飯嗰時, 我同左佢講, 以後唔帶佢餸喇, 叫佢自己帶番, 因為我唔想因為佢有左而我成家去就佢一個, 再者我唔想叫個工人下下都就住佢嚟煮, 而且我都唔係好想再帶佢嗰份餸, 因為之前對佢咁好, 佢一句多謝嘅說話都冇, 雖然我知佢份人會將呢d嘢放係心, 唔會講出嚟, 但係我始終都係人, 我都想比人氹下、多謝下架嘛, 我就連小小想feel到佢因為我同佢帶埋餸而開心嗰種感覺都冇呀, 所以我諗左好耐, 又襯住啱啱呢餐有豆腐, 所以就打蛇隨棍上, 同佢講左喇!
果然不出我所料, 第一句同佢講話以後都係唔帶佢餸喇, 佢就即刻話好! 多一句都冇! 其實我都預左佢一定係咁答我, 因為佢係要迫到人頂唔順同佢講, 跟住佢就會答你一句好!
所以而家安落晒, 以後唔使再覺得佢唔識做, 幫左佢, 為左佢, 一句thank you、唔該晒都冇! 因為佢講過, 話如果佢咁講, 佢覺得自己好假喎!
我想問, 乜一句多謝、唔該晒, 唔係應有嘅禮貌嚟嘅咩???
呢啲咪叫做老馮囉…
回覆刪除佢唔知幸福唔係必然架，所以你真係唔駛理佢感受！
[版主回覆04/14/2010 17:03:00]我就係因為覺得, 佢本身夜晚都冇啖好食喇(因為佢男朋友收工好夜, 佢晚晚都係自己一個人食飯), 如果我唔帶餸比佢, 佢好似好慘咁, 冇咩有得食!
不過, 有時真係好興架, 因為學你話齋, 佢d態度好似老馮咁囉!
你終於踏出成功嘅第一步喇，恭喜晒你呀
回覆刪除希望你盡快飛甩呢個老馮啦
[版主回覆04/15/2010 10:47:00]飛甩佢呢, 就難d喇, 不過應該可以慢慢另到自己唔好咁反眼啫!
繼續反比佢睇，反到佢唔煩你為止
回覆刪除[版主回覆04/15/2010 12:52:00]佢份人咁蠢, 佢又點會知我反佢呢, 同埋我好做得下戲, 佢就更加唔會知啦!