尋日星期日, 個工人放假! 不過, 佢無啦啦中午打我手提, 但係我攪左震機, 所以過左一陣先知!
不過, 一見到佢打嚟, 出左去放假都無啦啦打嚟, 我個心就已經覺得唔對路, 因為我地放假, 都唔會無啦啦打比老闆啦!
我過左一陣, 打番比佢, 問佢咩事, 果然不出我所料, 佢問我可唔可以早d出糧比佢喎!
出糧??? 而家幾多号呀, 尋日先18号, 本身月尾出, 而家話要??? 無嘢吓化!
佢同我講, 話佢細佬個老婆生仔, 要開刀喎!
仲咩生仔要咁多錢嘅咩??? 我同佢講, 你而家話想出糧, 就出糧架, 我去邊到搵咁多錢比你呀???
跟住, 佢就話, 冇就尤佢啦, 唔緊要, 跟住就收左線!
收左線, 我打比老公同老公講, 佢又嚟喇! 同老公商量, 如果佢真係有事, 唔比佢, 又好似好衰咁, 但係我唔可能佢話要就比佢架嘛, 所以我地決定左, 比住一半先, 而且而家都係半個月之嘛, 無奶油出一個月比佢!
今晚番到嚟, 我問佢, 仲咩你細佬生仔, 關你咩事呀?
佢笑笑口冇答我!
我又問佢, 冇錢可以係政府醫院生架, 佢要咁多錢仲咩呀?
佢又笑笑口冇答我!
跟住, 我就同佢講 : 由今個月尾開始, 每次出糧比你, 你比500蚊我, 我同你儲起佢, 到你有事, 我先比番你!
個工人跟住話: 唔使啦, 我自己儲得架喇!
跟住, 我又話喇: 唔得! 你下下冇錢都話早出糧, 我去邊到搵比你呀, 如果你有九十幾個兄弟姊妹, 咁我咪唔得你死! 係咁啦, 下個月開始, 每個月同你儲500蚊!
個工人即刻話: 二百蚊夠啦, 唔使咁多呀!
我二話不說: 唔得呀, 500蚊呀, 200蚊, 夠咩呀!
到6月, 佢就做夠一年, 而家一年都未夠, 你就問左我借過4次錢!!!
冇情講!!! 下個月開始, 我就要佢比500蚊我同佢儲住! 等佢下下都入晒d錢番自己個印尼戶口到, 攞都攞唔到, 要錢就問我借糧! 頂佢!!!
你個工人當你係人肉嘔錢機喎, 仲要卡都唔駛入, 唔駛理個戶口有冇錢, 開句聲就有喇~
回覆刪除[版主回覆04/20/2010 09:26:00]可能佢以為我有好多錢呀, 我老公佢馮只唔會問架, 皆因可能又係我地個樣嘅問題!
我唔會再理佢, 下個月同佢企硬, 要佢每個月儲500蚊! 如果佢話唔記得, 我就叫佢落樓攞左錢先好番嚟!
換工人囉
回覆刪除[版主回覆04/20/2010 11:23:00]我唔想換佢, 係因為佢對小朋友真係好有心機, 佢真係湊得好好!
你知嘛, 一個有經驗嘅工人係好緊要架! 雖然我都湊我姨甥湊到大, 好多嘢我都知道, 但係好多時我未出聲, 佢都已經提左出嚟!
所以有時我真係唔知/唔記得, 佢講左出嚟(佢仲要預早講架), 我就"叮"左一聲喇!
所以就係呢一點, 我到而家都仲用緊佢! 如果唔係, 佢第三個月問我借3000嗰時, 我就換左佢喇!
咁佢對bb都幾好，如果唔係bb都唔痴佢啦，佢講廣東話架?
回覆刪除[版主回覆04/20/2010 13:00:00]佢真係對滕滕好好, 佢成日都好有心機同佢玩架, 因為我係個cam到睇到都好開心!
你工人一年借左咁多次錢, 真係好有問題!
回覆刪除你幫佢草錢都係一個好既方法解決呢個問題,
但你咁樣做, 有無犯法? 係咪比左最低工資佢架? 小心d喎!
另外, 你屋企唔好放d 貴重物品係當眼處呀! 收埋好佢呀!
[版主回覆04/20/2010 16:41:00]個agent同我講過, d印尼工人就最鐘意入晒d錢番去佢自己個印尼戶口到, 要番去印尼先攞得! 佢地有事或者要用錢, 就最鐘意借糧!
我會照入3580比佢, 跟住叫佢比500 cash 我, 我會就咁放係廳柜個drawer 到, 我亦都會話比佢知我放係嗰到!
因為有左工人之後, 好多嘢都已經冇放出嚟架喇! 其實咁樣都幾煩!
不過, 有d 工人都好古惑架,
回覆刪除你最好放d 錢放在有key的 drawer度, key你自己管,
萬一你放d 錢個drawer 係無 key, 佢自己隨時拎d 錢走,
工人突然同你講 d 錢無左, 話你地拎左...... 到時口同鼻講
佢都係要你賠返佢唔見的工資呀!
[版主回覆04/21/2010 11:57:00]我會同佢講, 只係我同佢知道呢個drawer 有佢d錢, 講明, 唔見左, 就關佢事, 唔關我事! 如果佢要偷, 都係偷佢自己嗰d!
我唔想放係我到, 因為我怕佢會覺得我儲埋佢d錢, 唔比番佢!
你都好叻喎. 諗到D方法對付返佢.
回覆刪除[版主回覆04/21/2010 16:34:00]如果唔係, 可以點吖! 佢湊滕滕又好, 唯一係呢樣嘢唔好啫!