我都知道, 今日lai lai地嘢架喇! 因為滕滕好似知道, 每逢我放假, 都會同佢去街街, 所以今朝十點幾食完飯仔, 到十一點鐘抱佢瞓, 佢就鬼打咁精神, 仲係到同我玩, 一d倦意都冇!
見佢一d倦意都冇, 我就提早預備同佢換衫, 因為我真係約左我表姐飲茶!
呢餐茶, 滕滕好開心, 因為大細表姐兩個都有同佢玩, 但係大表姐就週到d, 因為家姐始終都係家姐, 大表姐成日都好照顧滕滕, 仲不停咁比包包佢食!
兩個表姐, 仲突登帶左方包嚟比表弟食, 而且仲送左套餐具比滕滕潻呀!
睇下大表姐, 幾錫表弟呀, 自己都未食, 就比表弟食喇!
kathy, 表e錫晒你!
仲好好招呼架, 食完包, 仲有水水飲!
成餐茶, 滕滕鬼打都冇咁精神, 不過番到屋企就.........3:45番到去, 未到3:50, 佢就已經瞓左喇! 但係只係瞓得一個鐘, 因為我地要出去, 去影第二次嘅做型照!
第一個做型照, 係出前一丁, 第二個做型照係消防員, 第三個做型照, 係飛機司!
係第一個做型, 滕滕d表情係: 一d都冇!!! 仲要成日戚起條眉......
真係十張著左八張都係咁, 又唔笑!
只係戇十十咁............
第二個做型就好d喇, 因為開始有番d反應.............
但係個ee一同佢帶帽, 佢就即刻要除落嚟, 一帶上去, 又除落嚟!
個ee同佢帶帽, 應該都有十幾次..........
第三個做型, 就醒咁d喇!
因為佢d古怪表情, 開始多喇!
唔好以為佢揮手, 佢只不過係又想攞番頂帽落嚟咋!
都差唔多尾聲, 佢先至有咁嘅反應同情緒, 我係後面跳左咁耐, 佢先至有咁嘅效果!
到走嗰時, 佢先至所謂真係warm up 左, 因為佢係嗰時, 開始撩人地玩!
但係, 咁就死啦, 走嗰時先至撩人地玩, 你估你之前影左嗰d, 可唔可以當冇唔算吖嗱?!
媽咪, 你加錢影多2個look咪得囉, 抵返架~
回覆刪除[版主回覆04/19/2010 22:56:00]我老公唔想呀! 我想比多$80影全家幅架, 我老公話唔好喎!
做咩唔好喎, 可能會有意想不到嘅驚喜架, 滕滕啱啱先warm up~
回覆刪除[版主回覆04/20/2010 09:20:00]我老公係一個超級麻叉煩嘅人! 人人一見到佢, 就以為佢好好恰, 份人好無所為, 好隨和, 但係其實完全相反! 人又yim尖, 又要求高! 而我就啱啱同佢相反, 人人就以為我好麻煩, 好惡, 但係我份人無咩所謂, 最緊要就唔好煩! 所以呢我跟本就做晒衰人!
點解連我哋隻佬都咁似架, 最嫌尖麻煩其實係班男人呀~
回覆刪除[版主回覆04/20/2010 11:19:00]咁即係我地做晒衰人囉!
出前一丁造型照好得意呀! 點解可以分開影兩次架?
回覆刪除我都想等呀b識坐穩時同佢影吓呀!
要幾錢呀? 可唔可以send 條link俾我呀? thx.
[版主回覆04/21/2010 16:27:00]我地唔係係一間裏面分開兩次影架!
第一次, 係另外一間, 而第二次, 就係今次係睇到嗰到喇!
第一次嗰到, 冇做型架, 只係著便服影, 又有家庭照!
而呢次呢間, 就係有做型喇! $300有3個做型, 加$80可以影家庭照! 三個做型, 大既有70幾80張相, 加$180就可以買晒d solfcopy, 所有嘅solfcopy 都係original 像素!
你參考下啦, 呢間係第二次有做型嗰間呀 http://www.take1.hk/modules/news/article.php?storyid=6