咁多年見咁多客, 我從來都未試過食餐飯係可以笑爆咀架, 今晚就可以試到喇!
諗左好耐去邊到食, 終於都決定左去太湖, 因為我鐘意食飽魚, 可以叫我最鐘意, 成隻手掌咁大嘅鮑魚食喇!
我英文唔係真係可以講到出神入化, 所以個客問我呢D係咩嚟, 嗰D又係咩嚟嗰時, 咁啱有個好老嘅經理行埋嚟, 所以好順理成章叫呢個經理同我介紹一下喇!
呢個經理D英文真係好好, 連80年代外國嘅名星佢都知係乜水, 因為我個客話呢個經理好似嗰個名星喎! 係呢個經理介紹完畢D餸係咩嚟時, 佢用英文話, 等一陣你地食完之後, 有餘興節目, 而呢個餘興節目, 就係玩斟茶喇! 斟咩茶? 就係斟茶落隻杯到, 斟完之後, 係一滴水都唔可以滴出嚟架!
就係呢一part, 笑到我扒左係到, 因為個經理同我個客講, 如果佢真係一滴都冇滴出嚟, 佢就送一份神秘禮物比佢地, 而呢份禮物, 可能係一架車, 又可能係一粒鑽石(佢當然係攪鬼咁講啦), 相反, 如果滴左出嚟, 我個客就要幫佢去洗碗喎! 而我嗰兩個客, 都好落意去玩, 仲玩到好頭入, 因為個客同我講, 呢個經理好pro, 好nice, 同埋佢好有經驗, 因為佢d英文好好, 識d嘢又廣博喎! 喂, 我叫佢鮑魚, 魚翅食呀, 更係對我地好啦! 不過講真, 我咁大個女, 同客食咁多次飯, 我都係第一次遇到一個waiter 係咁攪笑架!
食完飯, 玩完一輪, 埋單, 截的士同佢地反酒店, 一去到大家再吹多幾句水, 就當然要分手啦, 係呢個moment, 我個客靜靜雞行埋嚟同我講, 佢同行嗰個同事同佢講: "victor tells me that he likes you very much! it's real! he tell me just for a moment!" 嘩, 係嗰一刻如果係食緊飯嘅, 我應該差d噴左出嚟! 不過, 我當然冇啦, 只係講左一句: "oh, really, thank you so much!"
你話呢餐飯係唔係爆笑呢!
個經理真係好得喎，係邊間黎架?
回覆刪除為有copy and paste啦
[版主回覆04/15/2010 10:49:00]我去左銅鑼灣嗰間太湖呀! 我覺得嗰個老經理真係好堅下, 我諗我真係要去進修下!
人地成日對住西人可以講英文嘛，唔講一排都會生疏啦
回覆刪除太湖啲鮑魚好好食架?幾錢架?
[版主回覆04/15/2010 12:56:00]我覺得都幾好架, 因為佢唔係太淋, 又唔係太硬, 入味得嚟唔係太濃!
嗰到有兩隻款, 一隻細d, 要498, 一隻大d, 要7百幾!
左邊定右邊係victor呀?等我幫下眼~
回覆刪除[版主回覆04/16/2010 09:20:00]坐係我左手邊嗰個就係victor................你玩嘢咩!
左邊嗰個老咗d, 右邊嗰個都話諗諗呀!
回覆刪除邊間太湖呀?我都想去食!
[版主回覆04/16/2010 14:57:00]唔講你唔知, 我右邊嗰個起碼應該都有40以上, 因為佢問我知唔知80年代嗰時好hit 嘅外國 movie star 呀, 係80年代, 我都仲係戇十十咁, 咁既然佢識, 我好肯定佢係同我家姐同一年代嘅人嚟!
相反, 我左邊嗰個, 就應該後生過我右手邊嗰個!
我係銅鑼灣嗰間食架, 山林道都有, 不過好似銅鑼灣呢間好味d!
咁右邊嗰個又keep得幾好喎~
回覆刪除[版主回覆04/16/2010 15:32:00]我都 keep得唔錯架 !
梗係, 你塊面仲咁白咁滑~
回覆刪除[版主回覆04/16/2010 16:49:00]ok 啦, 不過更有唔滑嘅時候嘅!