都好, 有番d安慰!

今晚約左老公班朋友食飯, 老公要番工, 所以我就自己去, 同埋帶埋滕滕出去, 比佢班朋友見下!

因為佢仲有d朋友係未見過滕滕, 係第一次, 不過, 我都預左, 因為未見過嗰d, 又係講同一番說話: "佢真係好似 Edmond, 連側面都好似, d眼耳口鼻拆開, 都好似!"

喂, 使唔使咁呀! 似就似啦, 仲要話拆開都好似! 搵下人氹下我開心, 話個額頭似得唔得呀!!! 滕滕已經連d手手腳腳, 頭髮質地都似埋佢老豆架啦, 搵想嘢分d比我得唔得呀? 點解個天要咁對我呀?? 點解分小小比我都冇呀??? 

今次, 我都係第一次叫個工人湊滕滕出嚟, 我係巴士總站等佢! 平時出街多數我都係由屋企出嚟, 不過因為今日要番工, 所以都冇計啦!

不過, 今次去食buffet, 我有所得著, 因為我發現同滕滕出街, 滕滕係陌生地方, 佢會要我多過要姐姐呀! 滕滕以前都唔怕醜, 但係越大就越怕, 見到我地d朋友, 佢以前都會跟人, 自己識認人之後, 就唔可以係人都跟喇! 去到酒店, 見到一大班人, 佢就痴實我!

哈哈, 可能明時同佢出街, 多數個工人都唔係到, 所以習慣左佢一去到陌生地方, 就攬實我呀!!!好開心呀!!!!