今日番到屋企門口, 都未開門, 個工人就話滕滕知道我番嚟, 因為佢聽到對高跟鞋, 咯!咯!咯!咯! 就即刻望向門口喇!
滕滕今晚好開心, 好似痴左線咁, 因為佢不停咁狂叫, 狂嗌, 同埋又不停咁咬張sofa!
因為張sofa 越嚟越爛, 所以我就攞卷膠紙出嚟, 開始想貼係佢成日咬嘢地方, 就係床 & sofa!
我一路痴緊張床, 呢個滕滕就一路係廳到咬張sofa!
我一見到, 就已經喝住佢: NO!!! 唔好再咬張sofa喇!!!
佢條友仔, 以為我同佢玩, 一聽到我話佢, 佢仲即刻 "嘩, 卡卡卡卡" 咁笑住跑開!
見佢走開左, 冇咬張sofa, 咁我又繼續用膠紙痴佢張床!
佢條友仔, 行過嚟望一望我, 跟住就又一啖咁咬落張sofa 到!
我一見到, 當然又喝住佢啦: "NO!!!!!!!! 唔好咬 sofa 啦, 你再咬, 我打打你架!"
一喝佢no, 佢又"嘩!!! 卡卡卡卡" 咁大笑, 又跑開左!
如事者幾次, 佢一見我唔望佢, 佢又咬過, 仲要莊一莊我先咬!
鬧完佢, 佢又"嘩! 卡卡卡卡" 痴左線咁跑開左!
終於, 我忍唔住sent左個sms比老公, 同佢講: 我就嚟比你個仔激死我喇!
sofa 爛左唔緊要, 可以買過一張, 不過佢係咁成日食d皮落肚, 喝都喝唔住, 頭先又啱啱咬左牆角d灰出嚟! 死啦, 咁食法, 遲早真係中毒架!
已經越嚟越爛喇！
滕滕咬完不特止，仲搵隻手指 liu 爛左嘅地方, 驚死爛唔夠咁!
我之前先至補番好, 而家又咁, 今次仲嚴重, 石屎都見到埋!
滕滕, 你唔好咁曵得唔得!!!
好難搞喎, 又唔打得佢, 打咗佢都係會繼續咬, 你真係要諗諗計喎~
回覆刪除[版主回覆04/21/2010 09:08:00]佢咬到成口灰嗰時, 我已經打左佢個咀仔, 仲要好惡咁鬧佢, 但係佢仲係到笑, 以為我同佢玩呀~
寧願佢咬自己隻手喇
回覆刪除全屋貼膠布得唔得呀?
[版主回覆04/21/2010 11:53:00]我將會又補番幅牆, 跟住就會貼膠紙喇! 唉...........!
咬到好嚴重呀!
回覆刪除比牙膠佢拎住咬得唔得呀?
[版主回覆04/21/2010 11:54:00]佢係一個怪b, 奶咀唔啜, 口水牌唔帶, 食牙膠突登咬到成日反胃!
我都唔知點算!
我就勸你唔好補住喇，你搣開膠布之後，都係要補一次，咁不如就係咁貼膠布上去算啦
回覆刪除[版主回覆04/21/2010 15:01:00]唔補就貼膠紙, 咪好核突囉! 因為我用封箱膠紙架!
咁咬法, 唔點架. 不如換張布sofa, 或者套張布上去.
回覆刪除死火啦! 我呀b又係好鍾意咬嘢, 遲d我諗我都要車張布套上張sofa到先得喇!
買防衝膠貼, 唔好俾佢再食d灰喇!
[版主回覆04/21/2010 15:55:00]未生佢之前係布sofa 嚟, 不過因為布始終有塵, 又唔可以好似皮咁日日抺, 所以我先換左張皮咋! 但係我估唔到, 咁大獲!!!
咩係防衝膠貼呀? 可以係邊樹買到呀?
打錯字添. 係防撞膠貼至真.
回覆刪除一條有90度角, 上下都有雙面膠紙果D膠條呢!
我見人地D櫃邊都係貼佢防撞架.
我諗係荷花有得買.
[版主回覆04/21/2010 16:30:00]咁我知喇, 因為屋企個柜, 我地都整左呢d, 不過就比滕滕成日咬左出嚟, 所以如果條膠係有厚度, 我諗都唔係好得, 因為應該都比佢咬番出嚟!
我個仔唔應該舊年牛年出世, 應該狗年先好出世囉!
咁就用另一個方法啦!
回覆刪除就係係果個位貼牆紙喇! 係就係核突d, 不過好過佢食埋d灰呀!
[版主回覆04/21/2010 22:24:00]我今晚番到嚟, 個工人已經用左D封箱膠紙貼住左喇!
都唔知讚佢醒定係唔讚佢醒!
唔係膠紙呀，膠紙咬兩咬都穿啦，嗰啲膠布呢，或者墊枱食飯嗰啲膠布呀
回覆刪除[版主回覆04/21/2010 22:24:00]我今晚番到嚟, 個工人已經用左D封箱膠紙貼住左喇!
都唔知讚佢醒定係唔讚佢醒!
是但啦，你再買啲膠布返黎貼住啦，食咗啲膠落肚仲慘過食灰呀，不如你打電話問下醫生，有咩方法解決啦，唉~~~真令人擔心!!!
回覆刪除[版主回覆04/22/2010 12:59:00]我諗唯一方法, 就係睇實佢, 唔好再比佢咬囉!
我已經同左個工人講, 唔好再比佢有機會去咬架喇!