個天真係唔公平!

今朝一番到公司, 個同事+朋友神色好凝重咁話有嘢同我講, 講下又講唔想, 想講又話唔知點講, 仲無啦啦含住泡眼淚! 嘩, 嚇死人咩, 無啦啦晨咁早整d咁嘅表情嚟同我講嘢, 但係又講唔出! 所以我睇見佢咁, 我第一時間, 叫佢唔好係到嚇人, 有咩好快d講出嚟! 原來, 佢同我講佢有左!

對一般人嚟講, 呢樣嘢應該係開心嘢嚟, 不過對呢個同事+朋友, 就有點兒那個! 因為佢本身唔係好鐘意小朋友, 又覺得d小朋友好煩, 再加上佢都冇諗住生, 而且佢已經39喇, 同埋佢屋企有個亞個哥本身d 染色體唔夠, 唔係好正常, 所以佢一知道有左, 其實都幾懊惱!

其實我覺得年齡唔係一個大問題, 而家d醫學咁好, 最好check 多d , 小心多d, 最大問題, 就係佢同佢男朋友本身都唔係一個鐘意小朋友嘅人! 兩個本身對小朋友冇好感嘅人, 如果知道有左, 唔知會點呢? 佢男朋友本身有個女都已經成12歲, 佢地兩個都唔想攞番個女番嚟湊, 因為第一, 佢地兩個都要番工, 冇人睇, 第二, 佢地兩個跟本唔想攞番個女番嚟困住自己, 所以自從佢男朋友個老婆去左之後, 個女一直都係放係姨媽到! 所以我知道佢地兩個都唔想生嚟困住自己! 不過, 可能由呢一刻開始我個同事+朋友會就此變左, 想自己擁有, 做下亞媽, 想feel 下做亞媽仲感覺...........因為佢身邊個個朋友都生左.......

今日一知道佢有左, 我都登佢開心, 但係又唔係好開心, 登佢開心, 係因為朋友有左, 但係唔開心, 係因為點解我地想要, 就要等咁耐先至有, 而唔想要嘅, 點避都有吖, 個天真係唔公平!