尋日係第一日我&同事+朋友分開帶餸, 因為之前嗰日夜晚去影做型照, 所以個工人煮緊一半餸嗰時, 我就打番去叫佢唔使煮我第二日帶餸, 但係諗諗下, 第二日點解唔使帶喎, 所以跟住又再打番去叫佢繼續, 不過係嗰一刻佢地要預備出門口, 因為老公打算帶埋佢地出九龍剪頭髮, 咁就唔使又出又入去接番佢地, 所以個工人就只係煮左4件薯仔餅比我尋日帶番工食, 菜都冇一條!
當開飯嗰時, 唔知係唔係我個同事+朋友見我得4舊薯仔餅(都唔係細件架), 就同我講: "不如你幫我, 食下我d餸吖, 我個胃好頂, 我跟本就食唔落, 我男朋友話要我一定要食晒佢喎, 就算食唔落都好!"
係呢一刻, 我個心第一時間就諗, 頂你咩, 你係唔係串緊我呀, 係唔係想話, 你唔帶埋我餸啫, 我有餸多都會請你食架, 唔會好似你咁架!
我唔知佢咩用意, 但係一聽到佢咁講, 我就即刻覺得佢係串緊我囉!
個經理真係好得喎，係邊間黎架?
回覆刪除我真係好驚，我係你上一篇留言，居然係呢篇到出返黎，如果我唔知yahoo啲衰嘢，我真係以為撞邪呀~~~
回覆刪除我覺得佢唔係寸梗你，我覺得佢係你面前扮嘢多啲，請人食嘢唔係要幫下化，可以話一齊食啫，佢嘅行動係想話比全世界聽 佢有咗
[版主回覆04/15/2010 10:52:00]我成日都講呢個世界真係有鬼架 !
而家已經成日聽佢到講埋呢d嘢, 我諗應該都要聽到佢生為止, 所以我真係想講: 你估全世界只係你一個陀緊仔咩!
你同事講野真係有d 骨喎!
回覆刪除咁你有無食佢果d 餸呀? 哈哈
[版主回覆04/15/2010 11:08:00]我嗰4舊薯仔餅本身多夠食啦, 因為唔係細舊架, 不過睇落去好好似冇乜餸咁, 連菜都冇一條之嘛!
我更係唔會食佢嗰d啦, 人地嗰d係愛心餸嚟架, 我點敢分佢呀! 我一陣食左, 佢唔夠食, 我點同人地男朋友交代呀! 所以, 比個膽我都唔敢食呀!
呢個世界唔係得佢一個陀梗仔，不過係公司入面得佢一個陀梗仔，遲啲佢會越級挑戰，坐係到咩都唔做扮辛苦
回覆刪除[版主回覆04/15/2010 12:47:00]佢有幾辛苦, 我知道, 但係如果佢越係咁, 我就會越係唔理佢!
哈哈, 您個同事真係攪笑~
回覆刪除佢平時係咪好鍾意陰d 陰d 窒人架?
抑或佢陀左bb性格有變呀? 哈哈
不過, 你做得好0岩, 佢有左BB, 同佢唔好一齊 SHARE D 餸,
一陣食左有咩野事, 就煩啦
[版主回覆04/15/2010 12:48:00]係呀, 有咩事, 我擔當唔係起, 佢而且仲唔係後生, 所以我唔想揹飛!