第一次做型照!

尋日終於完成左第一次嘅做型照喇, 嘩, 原來要引一個小朋友笑, 仲要係不停咁引佢笑, 原來係好難、好攰架!

最初第一個境, 滕滕真係好興奮咁不停咁笑, 因為有新鮮感, 同埋加埋有3個姐姐哥哥、我、老公同埋工人姐姐, 一共有成6個人引佢開心, 不過去到第二個境, 佢d火已經降降地喇, 跟住仲唔彩我地, 無論我地係到叫、揮手, 佢都唔理我地, 係到自己玩!

不過嗰到有個哥哥, 佢d頭髮係摭左半邊面同眼, 所以滕滕唯一成日做嘅, 就係用d好奇怪嘅眼光望住呢個哥哥, 望到唔眨眼!..........我諗諗下都唔係好明, 點解呢間公司明知要請d人番嚟氹小朋友開心, 呢個咁騎呢嘅哥哥都請番嚟........唔明, 真係唔明!

d相應該兩三日就可以有架喇, 不過老公要番工, 所以約左下個星期一先有!

好喇, 而家好期待第二次嘅做型照呀, 而呢間住要係扮嘢, 扮唔同嘅角色, 唔知到時又好唔好笑呢!