今日又係好疲累嘅一日, 因為又係襯住老公放假, 所以就一次過去盡佢啦!
首先我地去左元朗搵家姐飲茶, 見下豆鼓表弟軒軒, 冇見一輪, 豆鼓表弟又大隻左喇, 而且唔係好願瞓底, 因為你地一個二個就坐係到吹水, 我就自己一個戆居居咁瞓係到自己食自己, 唔係呀化, 所以嘈得兩嘈, 就可以得請, 上左嚟一斉坐喇!
你睇下表哥隻豬腳幾堅! 真係可以放上枱架!
飲完茶, 我地就去左長沙灣探一個朋友仔, 呢個朋友, 識左廿幾年, 而且仲啱啱生多左個女, 我好似當佢妹咁架, 因為佢同細細佬一樣咁大! 因為朋友仔冇上鏡, 只係個囡出左鏡, 所以就尤啱啱新上任嘅家姐化勞啦!
幾辛苦先等到亞妹出場咋, 因為亞妹飲奶飲左好耐呀, 起碼有45分鐘呀, 真係難為左個工人姐姐, 對咁耐, 真係瞓醒左幾趟喇, 我講大人呀!
尋日見完嫲嫲, 今日更係唔蝕底啦, 搵公公同婆婆食晚飯! 不過我都唔係好明, 點解次次同襯公公婆婆食飯, 都冇一張相可以影到嘅?????????
今次都算比面啦, 細舅父只係玩左一陣, 滕滕就肯比佢抱啦, 佢就SO晒喇!
嘩, 今日又去左三個地方, 番到屋企散晒! 而滕滕呢, 就瞓到都冇醒過呀~
做咩成日都扯到咁儘呀, 你唔抖, 滕滕都要架!
回覆刪除[版主回覆04/07/2010 09:15:00]佢幾時都抖得啦, 鐘意幾時抖就幾時抖, 隨時隨地抖又得, 即刻抖又得!
出咗街唔心野咩?熙熙會撐到頂唔順嗰刻先會cc地去瞓架!
回覆刪除[版主回覆04/07/2010 12:51:00]咁滕滕又冇架喎, 佢出過街, 番到屋企都係照咁瞓架喎, 尚算可以啦! touchwood touchwood touchwood...........
你一日嘅行程都她緊湊喎,辛唔辛苦架
回覆刪除[版主回覆04/07/2010 15:06:00]番到屋企, 一瞓落床嗰時, 跟本就散晒啦!
我指係街到呀, 好似平時熙熙3-5會瞓晏覺, 如果出咗街佢就c都唔肯瞓架喇, 要撐到連眼都開唔到先肯死死地氣係佢架BB車瞓架~
回覆刪除[版主回覆04/07/2010 23:10:00]咁滕滕都係架, 出左街, 唔到頂最後一刻佢都唔瞓架!
由朝去到晚… 真係散晒，5/4 嗰日我自己帶臭豬去咗半日街都無咗半條人命
回覆刪除[版主回覆04/07/2010 23:11:00]真係散晒啦, 雖然同老公一斉出去, 不過我地一連去左兩日, 夜晚一上到床, 個人跟本就好似唔係自己咁啦!