今日行程好密, 因為老公終於唔bkg OT, 我地可以去下街喇!
因為老公仲想搵架bb car seat, 所以本身就諗住出TST睇, 睇完番去嫲嫲屋企食飯, 不過, 睇之前老公話不如搵埋佢亞媽一斉出去行下, 行完就去二姑媽到食飯, 因為好耐冇見過嫲嫲, 又好耐冇見過二姑媽, 所以橫掂都係, 不如一次過見晒啦!
爺爺因為身體唔好, 行得唔係咁好, 所以行幾行, 老公就要扶佢, 再加上爺爺因為扭計, 冇帶藥出去, 所以今日對我地嚟講係好攰, 因為老公跟本就無時無刻都要扶住爺爺, 基本上滕滕成 day 咁济都係由我嚟抱上抱落!
原來一大家人一斉去街, 真係唔係咁容易, 老公湊住老爺, 我抱住滕滕得嚟又要睇埋嫲嫲, 好彩嫲嫲唔係好需要照顧, 如果唔係, 我今日唔散先出奇!
所以出到ocean centre, 跟本就冇乜點行, 爺爺坐左係椅到等我地, 我地就好快速咁行左一個圈, 跟住就走左!(我都唔知行嚟仲乜??????????) 跟住就去左hollywood plaza 側邊嗰個南蓮園池到行左一陣, 但係因為爺爺又唔肯行, 所以又係行左一陣咁就走!!!
呢到Ｄ風境好鬼靚，Ｄ園林同環境跟本就一絕，因為我知道呢個咁嘅公園，放左唔少錢入去，呢嗰Ｄ咩志蓮ＸＸ。。。。。。呢，收入唔少啦。。。。。。
滕滕"翁"起晒D眼耳口鼻係特別cutie架, 對住滕滕應該唔會悶~
回覆刪除[版主回覆04/06/2010 20:45:00]唔悶! 不過好攰啫!
有無去食齋呀?不過入面嗰間唔好食
回覆刪除[版主回覆04/07/2010 15:02:00]好耐之前同亞媽已經去過, d伙計嗰次仲唔比我地影相潻呀!
今次去, 冇去食嘢, 因為爺爺扭計, 冇一斉入嚟, 只係係門口等, 所以去唔到! 同埋上次去過食, 都冇乜特別, 又唔係好好食, 所以都冇諗住去!
係呀,你講過呀,你仲問我點解可以影相
回覆刪除[版主回覆04/07/2010 15:37:00]係囉, 都唔想再去喇!