今日攞左個 notebook番公司, 因為想入d data, 可以方便我係屋企做嘢, 所以食完早餐就開始整理喇!
因為個notebook有wireless, 所以我突然醒起, 我可以係自己部PC到加個Router, 等個notebook可以上網, 咁我就可以係公司個電腦到send番mail比自己, 然後係個notebook 到收, 咁我咪唔使燒D data落DVD到, 然後由DVD copy番落個notebook囉! 嘩, 當堂覺得自己幾醒呀!
因為個Router係老闆之前係屋企用過, 所以set左password, 就係因為set左password, 就攪到我頭都暈埋! 呢到都唔係最暈嗰到呀, 最暈係駁線, 要移開張枱, 又要整過d插蘇, 嗰下先攪到我身水身汗呀!
攪左個幾兩個鐘, 終於都攪掂! 不過我個同事(而家開始唔再係朋友啦)過左一陣問我點解未見我on-line喎!
真攪笑, 係msn到見到我, 但係又問我點解仲未on-line!
亞姐, 你究竟識唔識架???
因為我地有個file, 係share docs, 要我個腦開左, 佢先可以係我到攞文件整嘢, 但係佢開嚟開去都開唔到, 所以就問我, 點解仲未見我on-line喎!
亞姐, 你應該係話, 嗰個 share docs個file你開唔到, 咁咪得囉, 咩未見我on-line啫! 問都唔知問乜!
原來我加左個Router, 嗰個share docs 個file, 佢真係開唔到, 原因係因為個Router 影響左d數據, 所以佢開唔到! 再者, 我開條link睇屋企個IP cam, 開嚟開去都開唔到, check 完一大輪先知道, 都係個Router 影響!
頂你咩! 我咁辛苦攪左咁耐, 仲攪到身水身汗, 原來影響左咁多嘢! 結果, 我係自己個PC send 晒d files出去, 係個notebook 到收晒之後, 就要拆番個Router走!!!
白做一場功夫
回覆刪除[版主回覆04/28/2010 12:34:00]你終於都番工喇! 乜第一日番工唔係好多嘢要跟番嘅咩, 仲咁得閉睇blog!
老闆幫我做晒...哈哈哈，不過仲有PACKING LIST未打
回覆刪除[版主回覆04/28/2010 12:52:00]咁好呀~ 咁去旅行就好放心啦!!! 我就唔得喇, 去旅行都要check 住個mail 呀, 因為我老闆唔識英文架, 佢幫唔到我!!!
packing list 好碎料啫,好快可以攪掂呢!
係呀，半個鍾打完啦
回覆刪除[版主回覆04/28/2010 13:02:00]所以我地先可以溝通到嘛! 好似嗰個同事咁, 做一份packing list都要做成個幾兩個鐘, 好彩唔多單啫, 如果一日出十幾隻柜, 唔知佢使唔使留係公司瞓呢!
..............我回覆緊呢個blog時, 佢失驚冇神走入嚟叫我簽文件!!! 頂佢!!!!
嘩!!!個幾兩個鐘打一份packing，佢都好嘆喎，之後啲嘢唔洗做啦
回覆刪除[版主回覆04/28/2010 15:00:00]佢係好Q耐架, 我都唔知佢望住份packing list望乜春! 成日係到磨!
最緊要唔好錯，我公司另一個同事，係呢間公司做咗超過三十年，但都成日做錯嘢，我成日要執佢手尾...好慘呀
回覆刪除[版主回覆04/28/2010 22:48:00]佢好少錯嘅, 不過改幾隻字都要成15分鐘, 都嘔血啦!
我學識淺，可唔可以教我改咩字要用15分鐘呀?等我學下吖
回覆刪除[版主回覆04/29/2010 09:09:00]呢樣嘢我都冇佢咁叻喎! 因為我都唔識!