今日老公冇OT, 因為我問佢, 我地係幾耐之前見過面, 佢冇答我, 就咁係到笑!
其實一路之前我都冇出聲, 尤得佢OT, 因為既然而家有機會搵多D, 就尤得佢, 不過有時我都想襯住放假, 可以一斉出下街架嘛, 所以佢今晚同明天就冇答應補更喇!
所以黃昏五點幾佢起左身之後, 就同左我一齊去買餸, 食完飯我地就去左黃金海岸到行左一陣喇!
係黃金行左一陣, 去左麥當當到食雪糕, 而滕滕係第一次食雪糕, 而且之前未試過食D咁凍嘅嘢, 所以第一啖嗰時, 佢個樣就好似食左D好苦嘅嘢咁, 乸埋個面口好好笑! 見佢咁嘅樣, 就更係即刻攞個相機出嚟影佢啦! 蝦, 一影住佢, 個樣又冇咁衰喇喎! 影唔到, 就算喇! 但係收埋左個相機, 佢又嚟喇! 簡直係玩嘢!
哈! 我呀B又係一試食新嘢, 個樣就乸埋晒. 好似好酸咁.
回覆刪除我想像到佢當時幾好笑.
[版主回覆04/25/2010 22:12:00]真係好好笑, 可惜影唔到佢個衰樣!
hahahaha...可能佢未食過凍野...
回覆刪除[版主回覆04/25/2010 22:12:00]係呀, 呢次都係第一次!
麥當當/些粉/痾k d雪糕好多菌好污漕架, 下次俾包裝好嘅雪糕滕滕食呀~
回覆刪除[版主回覆04/25/2010 22:13:00]佢而家好為食, 見到我地食乜佢都要食, 所以當其時都冇諗到咁多! 不過下次我都唔會比佢食喇!
係呀, 而家熙熙都好為食, 成日都眼金金咁望住我食野~所以我之前咪俾咗啖檸檬茶佢囉!
回覆刪除我有熙熙時都唔敢食麥當當嘅雪糕呀, 佢哋成日俾人抽驗D菌都超標架, 而家些粉好似唔賣添喇~