< 4月26日 >
我買左條大肚褲著呀, 不過洗左之後, 吊腳呀!
......
....................
......
...
真係有d問題, 得嗰個幾月就去學人著大肚褲, 又話八十幾蚊好鬼貴, 兜一大個圈嚟問我攞大肚衫褲!
你男朋友做廚架嘛, 佢煮飯比你帶飯嗰時, 叫佢煎隻蛋比你駁長番條褲囉!
< 4月28>
佢之前叫我同佢bkg我睇嗰個婦產科醫生, 尋日睇完番嚟, 今朝早就一早行入嚟同我講佢睇醫生嗰d嘢, 一路行入嚟, 一路就摸住個肚!
dr話你而家有兩個月, 實質你就得嗰個半月, 你學人摸住個肚把鬼咩, 你而家有幾大個肚呀, 你嗰個本身就係肚腩嚟架啦, 冇嗰樣, 整嗰樣!
乞人憎
回覆刪除[版主回覆04/28/2010 12:49:00]我頭又串佢嚟呀! 佢猛咁話我個dr好, 因為個dr好熱心幫佢搵遺傳病嗰d資料, dr又介紹佢個同學係威爾斯到做, 幫佢深入d check 下, 跟住我就話: 更係啦, 我識d人, 更係好架啦!
除咗佢
回覆刪除[版主回覆04/28/2010 12:59:00]係呀! 真係除左佢! 因為我識d朋友, 真係keep 得到, 都係由識至到而家都仲keep緊!
如果唔係日日見到, 我諗都唔會可以繼續!
Emm...點樣可以用隻煎蛋嚟駁長條褲呀???
回覆刪除[版主回覆04/28/2010 14:57:00]我理得佢! 一係叫佢男朋友煎塒pancake比佢駁! 總之係一塊嘢囉!
救命
回覆刪除[版主回覆04/28/2010 14:58:00]係呀! 我叫左好耐喇, 仲要叫多8個幾月呀!
佢好煩.........
回覆刪除[版主回覆04/28/2010 14:58:00]唔係好煩, 係好很煩!
wakaka...咁就一邊用煎蛋, 一邊用pancake囉~
回覆刪除[版主回覆04/29/2010 09:13:00]唔理得佢咁多 , 因為唔關我事, 我條褲都冇吊腳 !
"你嗰個本身就係肚腩嚟架啦" - 真係好好笑呀!
回覆刪除[版主回覆05/01/2010 01:02:00]我冇吹水架, 佢本身都有肚腩架, 我頂佢唔順咁做作囉, 得嗰兩個月就學人摸住個肚行!!!