呢d就係叫代溝喇!

細佬原來係舊年7月, 已經去左註冊, 不過, 因為佢同佢老婆都係d好低調嘅人, 所以就算好似之前咁有左(兩年前), 都成5/6個月先通知我地, 佢老婆就嚟生! 因為生仔都唔想同人講, 更何況佢地去註冊吖!  而我亞媽得知呢件事, 係係佢老婆個亞媽口中, 得知, 並唔係我細佬講, 因為...................

我亞媽本身係一個守唔到秘密嘅人, 所以我細佬舊年去左註冊, 都冇同佢講! 而我細佬係一個人都冇講過! 因為我老豆同我亞媽好麻煩, 一知到d嘢, 就會同d姨媽姑姐講晒, 仲要想攪大佢, 所以係我細佬生左個女之後, 我都同我亞媽嘈過幾次, 因為佢地係到攪事, 成日都想擺番幾圍, 而呢樣嘢, 就係我同我細佬都係最憎嘅!!!

而今次都係差唔多, 我亞媽爆左我細佬結婚出嚟, 而未得細佬同意, 而且, 我細佬都未正式同亞媽講!

所以尋晚亞媽打嚟, 我就話佢點解要講出嚟, 而未經當事人同意! 跟住, 亞媽同我講, 佢覺得冇問題, 因為"結婚"係喜事, 就算講左出嚟, 都唔係一個問題!

唔係問題??? 唔係呀化! 你爆左人地d私人秘密出嚟都話冇問題???!!!  如果講得直接d , 你咁做係好缺德架!!!

我係個電話講左好耐, 佢都唔明佢咁做有咩唔啱, 佢有幾冇品, 跟住仲要問我鬧夠佢未喎!

大佬, 你唔明, 我咪講清楚比你知囉, 每個都有自己秘密架嘛, 你係第三者咋, 你又唔係當事人, 當事人都唔想比人知, 點解你都仲要幫佢唱出去呀!!!!!!!!!!!!!!  講

左成半個鐘, 亞媽就發悔氣咁話: 得啦, 原來係咁嚴重嘅, 我唔知, 而家先知, 得未吖!

亞媽, 以前我都可以同你傾到計架, 好多嘢我都同你講, 但係而家你就越嚟越頑固, 解釋比你知, 你唔可以咁做, 仲要話我佢咁做係冇唔啱! 咁你叫我以後點同你溝通呀??????????????????????????????????????