如果...........

如果人唔需要經過喜怒哀樂, 咁你話幾好呢!

屋企人有親情, 朋友有友情, 拍拖有愛情, 咁係唔係人間真係有情呢?

我發現, 原來唔係架! 唔係你想要有邊種情, 就有邊種情, 而得到左, 就要知道並唔係必然!

以為得到左又或者覺得係應份嘅時候, 原來先知道只係自己一雙情願, 到嗰時先發現自己都已經好傷! 因為已經去到一個不能自拔嘅地步!

唔知道個傷口幾時先好番, 但係我知道時間可以沖淡一切!  如果要強迫自己唔好再諗, 唔好再想, 咁係唔係可以即刻可以忘記呢?

如果可以, 我都好想, 但係可惜事與願違, 原因就只係得一個, 因為我真係好在乎!

因為我在乎, 我先至會唔開心!

因為我在乎, 我先至會有希望!

因為我在乎, 我先至會緊張!

因為我在乎, 我先至會埋怨!

不過可惜呢個世界好多嘢都唔到我去決定! 因為好多嘢都係勉強冇幸福!

所以我只有同自己講: 算把啦!