今日係復活節假期嘅第一日, 我地大人就更係開心啦, 連埋清明節, 一共有5日假放, 不過滕滕就唔好受喇, 因為我約左今日去同佢打兩支一歲針呀! 爸b仲話我呀, 仲咩咁開心嘅假日, 要同滕滕去拮針咁慘喎!
原本係係佢生日嘅兩三日後打架, 不過佢比隻死人嘢咬到滕滕變左隻豬腳, 去睇左dr食左藥, 等到而家先去打呢兩支針!
滕滕睇住dr 拮支針係佢隻手嗰時都未喊出嚟, 但係 dr一放藥佢就大叫喇! 仲好似好慘咁望住我, 係到豪哭! 到預備打隻腳, 佢個心已經心知不秒, 因為你估佢會唔會知道吖, 我同爸b都捉住佢隻手同腳! 當然又係一落藥, 又係到豪哭啦!
呢, 滕滕, 所以點解媽me叫你點解之前玩得開心d吖!
打完針去飲茶, 佢個樣都仲要冇乜表情............引左佢幾耐佢先至肯笑影左一張相咁大把呀!
邊一支打手呀?
回覆刪除點解唔last day先打呀, 開開心心陪滕滕幾日嗎, touchwood佢發燒你哋咪好掃興囉?
[版主回覆04/03/2010 19:18:00]應該係支德國麻疹打手呀! 我就係襯住幾日我都可以倍住佢先尋日去打咋! touchwood 佢打過咁多支針, 全部都冇咩side effect! 好彩好彩!
滕滕又幾叻仔喎, 熙熙第一次打有少少燒, 之後都ok!touchwood~
回覆刪除[版主回覆04/03/2010 22:54:00]仲未知佢叻唔叻架, 因為DR話支德國麻疹針要觀察兩個星期架!
第一二張相木無表情,第三張終於識笑喇
回覆刪除[版主回覆04/07/2010 14:33:00]係呀, 氹左好耐先笑咋, 想影多張都冇呀!