今次滕滕真係水皮! 尋日天氣真係好焗, 因為吽打風, 出出入入, 又熱又焗, 跟住又有冷氣, 可能就係咁就lai左嘢喇!
尋日送完熙媽佢地走左之後番到屋企, 我叫醒老公睇住滕滕, 因為我要整飯仔比滕滕食, 但係老公就卦住瞓覺, 滕滕就係到喊! 我起初以為滕滕喊到流晒鼻水, 但係過左一陣又再有小小, 出去食飯又再有小小, 仲要耐唔耐打乞嚏, 所以咁樣嘅情況, 我就知道應該係唔舒服喇!
9點鐘就比奶佢食瞓覺, 但係到左差唔多11點就喊醒左喇, 但係佢唔肯瞓反, 因為個鼻塞晒呀! 坐又唔係, 瞓又唔係, 一吸氣吸唔到, 就大喊大叫! 死啦, 鼻塞可以點呀, 如果發燒都話可以沖下涼吖, 今次真係乸手唔成勢! 睇見滕滕咁辛苦, 我真係無計可施, 只係諗點樣可以同佢通番個鼻啫, 無辦法就之下, 我付出我第一次, 就係同佢啜鼻涕! 預備落嗰下真係有小小驚驚地, 一來怕整親佢, 二來真係有小小核突! 不過核突都要架啦, 咁佢透唔到氣喎! 好彩啜左真係好左d, 起碼都可以透到一陣!
不過一陣之後, 又喊喇, 所以我搵左支白花油同佢點左個鼻一下! 可能未試過, 所以滕滕好抗拒, 仲成日喊住嚟整個鼻! 唔鐘意都要啦, 搽左真係順暢左嘛! 就係咁, 成晚就喊下醒下, 喊下醒下!
尋晚第一次抱埋三個人一斉瞓, 不過就真係好難頂, 因為滕滕唔舒服, 所以就就住佢嚟瞓, 而滕滕可能因為迫, 轉呢邊又冇位, 轉嗰邊又冇位, 而且滕滕成晚就係個"枕頭上面"360度咁盤旋, 所以我四點幾忍唔住抱佢番bb床, 因為我瞓到成身都好痛!
其實係有一支嘢，幫bb吸鼻涕出黎架，買支看門口啦
回覆刪除[版主回覆09/20/2010 16:25:00]嗰支嘢, 我有買, 不過好似唔係好得!
咁細個係咪唔用得白花油架?屋企有冇曼秀雷敦薄荷膏?
回覆刪除[版主回覆09/20/2010 21:48:00]樽曼秀雷敦過左期, 冇晒未喇!(今日先買番咋)
我同dr講過, 佢又冇話唔用得喎~ 不過可能白花油勁過济, 佢地唔係好接受!