上個月個工人已經叫我早d出糧, 我見又唔係成就算啦, 不過佢好似食過番尋味咁, 係星期初就講左一大篇嘢又想嚟!
佢亞妹嚟左HK做嘢幾個月, 但係係上個月就開始病, 病到而家都未好番, 所以亞妹個老闆就叫佢亞妹番印尼休息一個月, 係10月24日先番嚟HK! 個工人同我講佢亞妹個老闆好奇怪, 問我點解喎~ 又話唔係抄魷魚, 因為張機票係來回, 寫左10月4日番HK! 跟住就同我講亞妹冇錢番印尼, 因為每個月比agent 扣左$3,000佣金, 叫佢問下佢太太(即係我) 可唔可以早d出糧喎! 去到呢樹, 我就即刻佢同佢太太講佢冇錢番去囉! 佢太太叫佢番去, 又唔關你個太太事! 如果真係冇錢, 都係同佢太太講! 我講完呢句, 我個工人已經冇再講呢d嘢!
到左今日朝早8點滕滕起身飲奶, 個工人就好"知"油咁係到慢慢整滕滕d飯仔, 仲要唔趕住好咁走, 我就已經知道佢想整色整水, 到左個工人九點幾出門口, 我都當冇嘢咁, 叫滕滕同佢講bye bye, 不過過左半個鐘, 個工人無啦啦番番嚟話攞張報紙喎! 攞報紕? 乜中文你識睇咩??? 我冇理佢, 因為我已經知道佢想嚟料! 果然係出門口嗰一刻, 佢就同我講可唔可以早d出糧!
今次我冇理佢, 第一句就答"唔可以"! 而且我仲講"我老闆夠都未出糧比我囉!" 個工人就再問我: "$1,000啦, 我想買手信呀!" 不過我都唔比, 因為我唔鐘意咁樣, 可唔可以安分守紀呢? 我個個月都準時出糧, 我唔係d 黑人憎僱主, 我都唔明, 點解成日耐唔耐就係咁樣要攞錢!
通常個工人放完假番到嚟, 都會同我做左d簡單嘢, 但係今晚我地出左門口食飯之後番到嚟, 基本上除左地下上面會click 親人嗰d玩具之外, 一律都冇幫我做!
老公同我講, 呢d"工人" 真係唔好對佢咁好! 我地兩公婆平時都對佢冇乜嘢, 樣樣嘢都好客氣, 晚晚九點幾就比佢番房瞓, 只係想樣樣嘢都有規有矩啫, 唔想成日整慣話想出糧就安排比佢, 你估我地係ETC咩, 話有就有! 但係換來佢夜晚番嚟嘅反應就係咁!
我真係唔明，唔夠用咪慳啲囉，仲乜隔一陣又黎料呢?
回覆刪除[版主回覆09/25/2010 12:33:00]佢入晒D錢去印尼佢自己個戶口到, 要佢番去先有得囉呀, 你話係唔係比佢吹脹吖!
我問佢平時每個月寄幾多錢番去比佢老公, 佢話好少, 只係入晒比自己!
係唔係真係儲錢呀?定入晒財務公司呀，你可以嘅話check下佢簿仔啦
回覆刪除[版主回覆09/25/2010 12:37:00]佢冇番過印尼, 何來打簿仔呀!
佢好識為自己打算架, 所以我估佢都係入晒比自己多!
咁有入數紙架嘛，你咪叫佢攞入數紙出黎比你睇囉
回覆刪除[版主回覆09/25/2010 12:45:00]我唔再考究佢之前入錢去邊喇, 我等一陣就同佢攪清楚以後點!
你個工人又搞D咁嘅野呀~真勞氣!!!
回覆刪除[版主回覆09/26/2010 22:30:00]有D人以為請個工人好爽, 其實都真係好Q煩! 鬧又唔鬧得, 唔鬧又唔得! 又要擔心佢對個仔唔好, 又要擔心佢係出面借錢! 真係煩都爆燈!!!
小心d 好d...下次佢問, 就唔好應承, 你話我自己都未出糧喎hahaha
回覆刪除[版主回覆09/28/2010 11:36:00]我都冇比佢呀! 我唔想佢次次問, 次次都有!