滕滕, 我陀住你嗰時我都冇去過"有骨氣"打邊爐, 仲咩你會識呢幾個字嘅???
話說我攞左盒冰皮番屋企, 食第一個, 滕滕都已經知道係好嘢, 叫佢sit down 就已經好乖咁坐左係到, 所以第二次一攞出嚟, 佢D "her her her" 嘅聲音都已經等緊!
好~ 第一/二啖我就比佢食, 不過到左第三啖, 我就有要求, 就係要佢叫我"媽"先! 都係一樣啦, 佢一聽到我有咁嘅要求, 就即刻已經"奏"眉頭喇, 跟住我又再同佢講多一次, 佢就已經開始唔 like, 我再講第三次, 呢條友仔, 居然啤住我, 跟住行左去喎!!! 行左去之後, 我又再大聲同佢講多一次叫我"媽"先我就比佢食喇, 但係佢仍然都係老遠咁又啤多我一次, 都係唔肯叫, 因為佢寧願唔食!
好! 我鐘意你受到威脅都唔肯就範, 因為你有骨氣, 似我!!!
真係比佢激死呀!叫聲"阿媽"好難咩!
回覆刪除其實你有無同滕滕睡過架?聽講同bb睡,bb會痴自己多些架!我個囝要抱住我條頸睡呀,仲要用腳"橋"住我睡呀!所以有咩事,個囝第一時間都係揾我呀!唔知道點解,個囝越痴我,我就越開心,我覺得我的地位無人在囝囝的心中可取代
[版主回覆09/14/2010 15:46:00]之前我唔比佢同我瞓架, 因為我怕佢以後唔肯瞓床仔呀! 不過而家有時我都比佢同我瞓, 尤其係佢眼光光唔想瞓, 而我又好攰唔想抱佢嗰時, 我就會比佢瞓係我隔離, 直至佢瞓著左先搬佢番床仔!
佢而家開始懂性, 我諗我會耐唔耐都比佢瞓我隔離, 比佢知道有d時候係可以同我瞓, 有d時候就唔可以!
我同你都一樣啦, 覺得個仔痴自己多d就開心d, 不過我就仲有個工人囉, 佢跌襯、整襯, 就第一時間要個工人, 唔係要我架, 所以我都好hurt架 !
無法子啦!你都要揾食架!可能他依家未懂性,未太識諗嘢,所以先會咁的,到大個些可能會好些的呢!
回覆刪除我一日到黑都對住個囝,所以佢咪痴我囉,如果你好似我無工作,而在家照顧他的,相信有任何的事情他都會第一時間找你的,記住那不是你的錯呀,你工作是為了有更好的生活給他呀!如果唔係的,他那有那麼多的玩具................對不?
[版主回覆09/14/2010 16:47:00]其實有得就必有失囉~ 我選擇出嚟做嘢, 就一定係得番好少時間對住個囝喇, 咁個工人一日就對到黑, 所以佢痴個工人都好正常嘅! 所以夜晚番到去, 我都一定同佢玩囉, 如果約左人, 盡量我都希望可以早d番到去餵到夜奶呀!
如果有得比我撰做唔做嘢, 我都會撰做嘢囉, 更何況而家係冇得撰呢~
哈哈，性格巨星
回覆刪除[版主回覆09/14/2010 22:15:00]如果佢d性格真係似我, 就真係好囉!