上個星期五去完健康院做體格檢查, 姑娘話兩歲到就要同佢戒多一餐奶, 最好就係戒夜晚嗰餐, 因為方便戒片!
同埋, 佢地兩歲之後, 我地食乜, 佢就食乜, 唔使特別煮, 同埋食餐時間就同我地大人一樣, 最多朝早同tea比餅餅佢地食, 而夜晚食完飯之後就食d水果, 九點鐘就好瞓喇, 因為又再配合佢地就嚟要番學!
真係又一新挑戰! 九點就要瞓! 而家9:30要佢上床開始飲奶, 我都已經覺得好早, 因為飲完都成九點九, 唔係餐餐九點九就有倦意架嘛, 而家仲話要九點?
...........好高難度!!!
死啦!我個囝成一,兩點先瞓,九點瞓真係無可能呀!可能我同老公都慣咗遲瞓呀!
回覆刪除依家要訓練下先得啦,如果唔係將來點返學呀!
[版主回覆09/24/2010 23:57:00]早D調番好D佢地D時間, 大家好都呀~
瞓少啲午覺得唔得呢?
回覆刪除[版主回覆09/24/2010 23:56:00]佢地咁細個一定要午睡架, 如果唔係到咁上下時間就會發皮4架喇!
唉! 咁高難度都唔知點攪呀!
回覆刪除[版主回覆09/25/2010 00:26:00]頭都痕埋啦, 仲話最好九點瞓喎, 我真係想同個姑娘講: 你估講咁易咩!
咪係! ANSON肯11點瞓, 我已經心滿意足啦!
回覆刪除[版主回覆09/26/2010 22:12:00]真係唔係咁易, 要慢慢嚟!