尋日情天霹靂之後, 今日我就問個工人多一次, 佢有咩方法去解決!
佢當然冇答我, 因為佢兩條數加埋都已經4千5百幾, 跟本一個月糧都唔夠cover, 所以我只係比左一條路佢撰, 就係要佢每個月全份糧要嚟還錢!
雖然我再三問佢, 究竟佢有冇同我講大話, 最大嗰條數究竟係唔係真係幫佢個fd借, 其實無論佢答我真係真係, 我都係唔會好信佢, 同埋, 就算係佢定係佢個fd, 我都已經決定左都係要佢將成份糧嚟還錢!
我有諗過如果請過個工人, 都唔知會唔會好似而家呢個咁, 咁有心機同我湊, 而且呢個係好有經驗, 唔使我多講, 佢好多嘢細微嘢係做得好小心, 所以去到最尾, 我都係唔想抄佢!
講真佢都要養家, 如果我抄左佢, 佢都唔好過, 搵過另外一個僱主, 佢都要比佣金, 又唔知可以等幾耐先搵到, 所以我今日同佢講左好耐, 我問佢想唔想同我打工, 鐘唔鐘意係我呢到做嘢, 如果係有心, 就唔可以再有下次, 而今次, 我可以比多次機會佢!
我唔知我今次有冇做錯, 我希望我今日同佢講左咁多嘢, 佢真係明白, 因為下次唔會再有多次機會!
我冇請過工人, 真係唔知點講好, 希望你個工人經過今次之後, 乖乖地唔好再去借錢俾心機係你樹做野喇~
回覆刪除[版主回覆09/26/2010 22:32:00]你睇下上面個BLOG友寫D乜, 你仲驚呀~
我朋友的CASE～ 借錢借完一次又一次，攪我朋友架車比人貼大字報，話炒佢，佢（櫃）晒喊晒求比多一次機會～ 之後我朋友幫佢一次過還晒，每月出糧扣返～ 之後好咗幾個月，又再嚟料～ 竟然走去叫朋友奶奶個工人做擔保，借咗之後又無還，D追數打電話嚇奶奶，攪到我朋友即刻飛的上奶奶家了解件事，即刻開票還錢比人～ 之後仲要補錢即炒件工人，頭尾唔見咗差唔多三萬銀～～ 如果你唔想炒你個工人，你真係要有心理準備，佢隨時都有第二次。 另外你扣起佢份人工嘅時候小心D，你一定要出咗糧比佢先，之後先再叫佢比返你。 你係咪經A準請依家個工人嫁？？如果係你可以同佢一齊落A準度，你比封warning letter佢，另外要佢寫張久單比你，註明佢欠你幾多錢，每月要還幾多錢，成個過程搵人錄低佢，最緊要有齊佢D欠單，你要KEEP起晒佢，每樣嘢要佢簽名同口頭作實。 請記住：工人同你非親非故，佢地係迫不得已先離鄉背井嚟同你打工，你對佢好，佢只覺得係應份，因為佢覺得自己幫咗你好大忙，無佢你攪唔掂BB。 而且佢有人質（囝囝）係手，佢地成日似住你地炒咗佢就無人照顧BB，所以就會得寸進尺。 祝你好運～～
回覆刪除[版主回覆09/26/2010 22:04:00]多謝你嘅資料, 我會研究下!
我而家就照出糧比佢, 但係出左就要佢即時入比財仔, 唔會我直接入, 因為我都要證明我自己冇刻扣佢份糧!
我尋日都打左去勞工處, 佢地只係話如果佢地係犯左嚴重過失先可以唔使補錢就即刻踢佢走, 佢而家咁樣, 就要我地自己去衡量, 因為如果我地因為佢爭財係錢而唔補比佢地, 咁佢地係可以去勞工處追討!
我諗我都係唔會比佢放假出去, 因為我都怕佢又走去借過, 同埋, 我會同個AGENT 商量下出WARNING LETTER一事!
THX 你意見!
我又唔明喎, 佢個FD點解要用佢個名借? 點解佢又肯?
回覆刪除[版主回覆09/26/2010 22:05:00]佢同我講佢個FD冇PASSPORT 喎~ 跟住我又問多佢一次, 佢冇你就幫佢, 你係唔係咁蠢呀!!!
你都係唔好理佢會點先, 理咗自己同滕滕先好D喇!
回覆刪除[版主回覆09/26/2010 22:06:00]所以我諗星期日都係唔再比佢出去好似好D, 費事佢一陣又再借!