由尋晚開始, 滕滕瞓覺時好似已經唔係咁想我曖佢喇!
飲完奶, 抱左上手一陣, 佢就爭扎起身爬過去我地個枕頭到要自己瞓! 起初佢爭扎我都唔比佢起身, 因為覺得佢又唔知仲咩想去玩, 但係佢再三爭扎之下, 我就放手睇下佢想點, 原來係去我地個枕頭上面瞓低!
今晚都係咁, 曖左佢幾下就突然起身, 又係要去我地個枕頭到! 原來佢想自己瞓!
可能日後我已經冇得再好似之前咁暖佢瞓喇! 原本諗住佢兩歲到先train佢自己瞓, 睇嚟好似想提前.........係佢想!
有D失望..............! 因為佢已經大個仔左!
咁我真係要好好珍惜依家同bb的曖曖關係先!原來bb大咗就唔會要我架啦!其實我都真係接受唔到bb唔要我呀!因為我真的不能離開佢呀,好似去買餸叫老公湊住,都只係半小時左右,都掛到我半死啦!
回覆刪除[版主回覆09/29/2010 11:40:00]我都一時間唔係好接受佢唔要我呀 , 因為我每日同佢最close 就係抱抱同埋曖佢瞓覺, 見得已經少, 而家仲唔使我曖潻呀 !
我同你一樣啦, 我出去食都好卦住佢, 番到屋企就算佢瞓左我都係咁摸下佢, 摸完又摸, 我聞下佢d衫, 所以而家佢唔比我抱佢瞓, 我都不知幾hurt 呀 !
咁你可以望住佢瞓，拍下佢瞓嘛~~~
回覆刪除[版主回覆09/29/2010 11:42:00]望住&拍住係唔夠架, 都唔夠欖住咁close!
正如你老公拖住你同欖實你嘅分別!
我見滕滕一路一路大個仔, 真係好感動.
回覆刪除心情的確好矛盾, 我地都唔知自己想點, 又想佢地快D長大, 但又唔想佢地唔依賴自己唔要自己.
[版主回覆09/29/2010 16:27:00]真係好矛盾架, 係佢推開我嗰一刻.............!
滕滕而家先唔駛你曖咪算遲囉, 我都唔記得咗熙熙係幾耐之前已冇再俾我抱住嚟瞓喇~
回覆刪除[版主回覆10/02/2010 15:58:00]但係我仲想抱多一陣呀 ~
等滕滕瞓著咗先抱囉, 我都係咁咋, 日頭抱熙熙叫佢扮bb, 熙熙唔駛5秒鐘就推開我喇...
回覆刪除[版主回覆10/03/2010 15:11:00]你話幾慘吖, 要等佢瞓左先有得抱喎~