個電話已經唔識嚮左成兩個星期, 有冇跌過, 都唔知想點, 只係識震, 唔知係唔係佢知道我成日較左震機, 唔想嘈醒滕滕呢, 不過星期六, 我終於打左電話去HTC問, 佢話可能係個software撞左, 並唔係d hardware有事, 叫我 back up左d嘢, 重新 reset 過部機, 咁個嚮聲就可能會冇事喎!
唉~ 都要攪架啦, 唔通下下真係震咩! 咁咪要佢比d軟件我 back up d data囉! 但係, 淨下叫佢比d 軟件我, 都整左成兩個鐘! 第一次比d軟件我, 唔知點解拉整都拉唔到去張 SD card 到, 比第二個軟件我, 去到最尾 load load下就停左係到, 試過幾次都係咁, 咁所以再比第3個軟件我, 不過呢個軟件係要有hotmail a/c先可以做到!
CS嗰個男仔講嘢就講到一舊舊, 講D就唔講D, 又唔係 pro, 叫佢搵個 pro d 嘢人嚟同我講, 佢又唔肯, 前言就不對後語, 就好似佢比我第3個 back up方案嗰時, 入左條 link到之後, 又無啦啦叫我入去 hotmail個a/c到, 咁入完去佢話嗰條 link到, 又無啦啦叫我入 hotmail到仲乜啫, 真係火到嚟!
淨係攪 back up都攪左兩個鐘 @_@ !!! 滕滕又係到攪攪震喎, 唔攪就係到嘈! 天啊~ HTC可唔可以請d咁嘅人好唔好呀! 醒小小, 話頭醒尾啦!!!
經過一輪抗戰, 好彩個手機而家嚮番喇!!!
我就寧願成機換新機喇
回覆刪除[版主回覆09/14/2010 22:14:00]但係部機其他function 冇嘢架, 如果就咁唔要, 好似嘥左喎~ 雖然..........我都好想換 !
有得"出煙"嘛~~~
回覆刪除[版主回覆09/15/2010 12:33:00]咁我又好難過到自己嗰關喎, 因為其他嘢又真係冇事........
而家買每樣嘢都要環保嘛~ 我唔想第日滕滕嗰代受罪呀!
咁...咁...咁...真係賢妻良母喇
回覆刪除[版主回覆09/15/2010 14:09:00]良母我都還可以認下, 但係賢妻就一定唔係我囉 !
惡妻，哈哈哈哈哈哈哈
回覆刪除[版主回覆09/15/2010 14:19:00]咁我又唔認喇~ 因為我跟本就唔係人人想像中咁惡!
我都知道自己好可憐架喇 , 因為跟本冇人相信我係比人"恰"嗰個 , 只有我個同學先知咋!!!
賢妻又唔係，惡妻又唔係，咁係咩呀?
回覆刪除[版主回覆09/16/2010 14:43:00]淋妻啦, 我成日都比老公老點嘅!