應該係我講多謝先啱~

而家打blog好似打到上左引咁, 真係九唔搭八都想記抵佢, 可能真係怕自己年紀大d就唔記得晒d小事喇!

 

因為上次個同學係加拿大番嚟, 講開佢再對上嗰次番嚟做過d咩, 同我地去過邊到, 我都真係好似冇晒記憶咁, 所以死啦, 個腦d ram 越嚟越少喇~

 

前日個同學msn我, 同我講佢呢排燥底, 唔知仲咩事成日都handle唔到自己d情緒, 見到個女曵就好興, 咁做朋友就更係當然開解下佢啦, 更何況我地唔係朋友咁簡單!

 

開解左佢, 佢話呢兩日都ok, d EQ好左, 冇再好似之前咁成日都火嚟, 同埋佢話佢有反覆咁睇番我比佢嘅意見去思考, 所以佢今日又MSN我, 同我講多謝!

 

回想起以前讀書嗰時, 我成日發佢皮4, 佢唔知咩事都可以走嚟氹我, 又接受我無緣無固嘅不瞅不睬, 幾頂唔順都照頂我! 你估我唔知自己唔啱咩, 不過我嗰時都好似佢而家咁, EQ低囉!

 

其實真係唔使多謝架, 因為你當我係朋友先搵我同我傾, 而且仲好接受我嘅意見, 講真其實應該係我多謝你先啱, 因為我嘅意見得到認同, 同埋可以幫到你! 所以應該係我開心先啱~