已經兩個星期冇開過喇, 所以今日又開左水池比滕滕玩!
朝早10點半就已經開始動工, 因為滕滕8點半已經醒左喇, 咁所以唯有早玩早收啦!
一如以往, 我一路bom, 滕滕就要行嚟幫手, 加緊水嗰時, 佢就係咁her住要快d, 等一陣啦, 得我一個做, 就更係咁架喇!
玩左半個鐘到, d 水都開始凍, 咁我就靜靜雞一個一個玩具咁攞上嚟, 然後抺乾放左係枱面! 不過抺到第二個, 就已經比滕滕發現左喇, 仲her住咁要攞番, 掉番落水到呀!
次次都係啦, 到時到候話要上水喇, 都扭下扭下個pat pat 話唔好!
唔好唔上啦~ d 水凍喇, 豬仔!
你比較吓第一次玩水同今次玩水, 佢係唔係開心咗好多呀?
回覆刪除同埋滕滕點解瘦咗咁多呢?
[版主回覆09/07/2010 10:22:00]其實佢個身本身都唔係好肥架咋, 只係D手手腳腳著左衫之後就有肉D咋! 佢好奇怪嘅, 著左衫就好似肥嘟嘟有肉咁, 唔著衫就好似瘦左D...........唔知係唔係佢D衫好FIT(好似F4咁), 所以你地個個都以為佢好大隻呢~
有D角度都影到有D胸肌架 , 只不過呢張開心D, 咁我先POST上嚟啫~
再加熱水，試下可以浸到幾高嘛
回覆刪除[版主回覆09/07/2010 10:24:00]上次我試過張水加到佢心口架喇, 不過佢就唔係好肯坐係到!
可能因為加到上去心口之後有水壓, 所以佢feel到唔係好舒服, 唔肯坐底呀!
咁咪啱囉，一直加到佢要起身出返黎囉
回覆刪除[版主回覆09/07/2010 11:36:00]嘩~ 你都唔知呀, "北"番d水出嚟就大練獲喇, 有排"北"呀!!!
係喎，我又無諗過喎，不如效係浴缸玩吖
回覆刪除[版主回覆09/07/2010 12:12:00]係浴缸比較危險d, 因為好"冼", 但係加左防"冼", 佢就feel到唔舒服, 可能唔肯坐抵架!
因為有次試過係朋友屋企同佢沖涼, 我朋友就係有加防"冼", 咁滕滕就好驚, 唔肯企係上面呀!
我嘅意思係將個水池放上浴缸，咁裝水同放水都方便啲囉
回覆刪除[版主回覆09/07/2010 14:17:00]我個浴缸放唔得落咁大個水池呀, 而且仲入唔到廁所門口潻, 所以唔work! 如果可以, 我一早就咁做, 唔使變左做隻狗喇~