滕滕, sorry 呀~ 呢排媽me食煙食得好過份, 我唔想, 不過我好煩, 因為冇人可以幫到我, 而我又唔知咁樣做係啱唔啱, 做左唔知又唔知work 唔work!
我都唔想食咁多, 但係我真係好迷網, 我好想唔諗, 但係唔可以, 如果唔係因為有你, 我一早食左安眠藥, 希望可以一覺瞓天光!
有時係到諗好彩你唔係女仔, 因為而家做女人好辛苦, 顧住屋企之餘, 又要番工搵錢, 而且仲要諗埋你老豆會唔會變心, 所以做男人好幸福, 起碼唔使擔心咁多, 只係搵錢番屋企就夠喇!
你媽me我, 凡事都諗灰嘅一面, 往往就諗左唔好嗰方面去打算先, 因為諗左先就到時真係發生就唔使咁滕, 朋友話叫我諗明天會更好, 更好? 乜真係咩? 我唔係好信, 因為如果真係好, 呢個世界就唔使咁煩啦!
我都唔明, 人地做人我做人, 點解我個駁頭咁重嘅? 可唔可以搵人同我分擔咁d呀?
真係為你好懊惱, 因為如果你第日大個好似媽咪me, 你做人就會好多煩惱, 好多人搵你去做決定, 好多人搵你去解決問題, 好多嘢要去做決定, 好多嘢要去分析, 但係如果你第日大個個性格同媽me 相反, 我就鄧你擔心, 怕你比人搵苯, 怕你做人冇主意, 怕你比人利用, 怕你比人蝦!
滕滕, 睇見你而家曵得嚟咁開心, 開心得嚟又咁天真, 真係羨慕死媽me, 所以有得你開心你就開心, 因為人越大就越多煩惱!
媽me好朋友講話媽me因為我有能力去做咁多嘢, 所以先有咁多嘢要我去做, 但係又有冇人去諗下, 我都想休息下, 唔通真係要到我死嗰一日先可以比我去休息?
學下"放下"
回覆刪除[版主回覆09/27/2010 12:46:00]唔係有D嘢我可以放就放, 唔理就唔理架! 由細到大, 佢地個個習慣依賴我, 結左婚, 老公又係咁!
你唔明, 因為你老公唔多唔少, 應該都有D嘢係唔使你理, 但係我老公唔係, 除左佢點樣用錢係唔使我理, 基本上佢乜都搵我!
亞媽呢, 細佬痾唔出C都走嚟同我講, 好似想我叫細佬食多D水果飲多D水! 亞媽覺得細佬老豆個個都聽我講, 所以佢事無大小都想我插手!
我要理咁多嘢, 一個二個仲要我話過講過先去做, 咁你話我有九條命都唔夠時間啦!
咁你咪唔好理囉，你估佢地唔知要食多啲生果飲多啲水咩?只不過你寵壞咗佢地，等到咩都要你提點囉，咁你自己再諗下，繼續咁樣落去，佢地只會覺得你係"老馮"咋。
回覆刪除[版主回覆09/27/2010 12:59:00]呢d事, 只係一少部份嚟架咋, 其實佢地咁大個人我都唔會點話佢, 只係亞媽緊張啫! 但係好似老豆隻手有事, 我幾想唔出口都要出口啦! 而且我仲要同佢去約睇證, 跟住又要提佢去覆診等等!
乜嘢都要我講, 要我話!
唔好唸得太多...食煙又傷自己身
回覆刪除野永遠都做唔完, 能力範圍做到咪做lo, 唔好比壓力自己
[版主回覆09/28/2010 11:19:00]我知道傷身, 不過個人好煩就自己好想食...........
其實D嘢冇話做唔到, 只不過個個都要等住我去做啫.........!