表叔已經問左我幾次, 幾時出嚟食下飯, 佢話好耐冇見過我老豆! 你好耐冇見我老豆啫, 咁你咪搵佢囉, 仲咩要扯埋我落水啫~
表叔, 唯一我係肯同佢fd, 所以佢咁講, 我唔會串佢, 因為我尊重佢, 所以今個八月十五, 我就話不如一斉做節喇! 之前已經比亞媽"鵝"我, 原因係因為大鵬人都話今個星期六ok, 但係今個星期六係亞媽舊曆生日, 所以我第一時間就諗住順理成章就同亞媽慶埋! 不過, 就係咁樣先麻Q煩!!! 因為 1.亞媽食齋, 2. 亞媽只係想我地一家人食飯, 因為唔想搵埋其他人要人地破費! 而且, 我同表叔講過下(亞媽生日), 但係表叔就話, 冇奶油做節去食齋! 所以, 明啦! 明晒喇! 你話係唔係自己law lai chin 吖~!!!
原本一心諗一次過, 因為我唔想分九十幾次出去食飯, 但係而家唔得都要得, 唔通唔同亞媽慶咩, 雖然佢把口話唔使...........
煩完第一樣, 攪掂好喇, 就第二樣, 就係搵地方食飯!!! 首先, 係要方便舅婆, 佢係南昌村住, 要搵d地方係可以方便的士上落車, 就算落左車, 都唔好行得太遠, 雖然係打的去, 但係又要唔好咁貴的士錢, 要同表叔慳住個荷包! 跟住就要就到係方便泊車, 咁就更係最好有得"給"飛啦! 而最重要就係食飯唔好去d貴地方食, 如果唔係, 比d表姐表妹小到我暈都有知!!!
搵、搵、搵, 基本上我心目中嘅稻香, 都已經full 晒, d九唔搭八唔識嘅, 我又唔想, 因為怕太難食, 好啦, 再搵下明星、迎喜啦, 方便我地嘅, 都又係已經full晒, 連d 咩富臨都搵埋, 有位嘅就要上一層, 不過冇lift到, 去到油麻地、佐敦嗰邊d酒樓, 表叔又好似覺得遠!
天啊! 你可唔可以幫下我呀! 我已經知道自己lai左嘢喇!!!
你試下長沙灣鴻星吖，地鋪黎架
回覆刪除[版主回覆09/14/2010 22:07:00]我都知道呢間鴻星, 不過應該 over budget.........
係..............你瀨左嘢
回覆刪除[版主回覆09/14/2010 22:08:00]作死你呀~
我唔會小你，俾我哦吓啫，不過一年一兩次都ok ga，最緊要方便，你唔駛理表叔架la，佢唔駛俾架la....
回覆刪除[版主回覆09/15/2010 11:49:00]嘩~ 你而家勁左喎~
既然係咁, 咁我就豪食架喇 !
鴻星做梗特價，8:30後入坐好似唔知幾多折
回覆刪除咁樂富遠唔遠吖?樂富有間"御膳"好好食架，又唔貴
[版主回覆09/15/2010 11:12:00]http://www.openrice.com/restaurant/sr2.htm?shopid=46466
係唔係呢間呀?
係呀，我一個月去幾次呀
回覆刪除[版主回覆09/15/2010 11:49:00]我bkg左呢到喇, 真係十分之唔該晒!!! 果然係勁呀!!!
所以話呢，一人計短二人計長嘛
回覆刪除[版主回覆09/15/2010 14:14:00]你啱嘅 !
你睇下呢幾間0岩唔0岩心水~
回覆刪除(1) 太子鳳城酒樓
http://www.openrice.com/restaurant/sr2.htm?shopid=7705
(2) 彩福皇宴
http://www.openrice.com/restaurant/sr2.htm?shopid=16704
[版主回覆09/16/2010 14:36:00]我已經bkg左樂富嗰間喇, 真係唔該晒你呀!!!