連續第三日出去食飯, 好攰呀~
今晚同表叔佢地一斉做節, 張雪球介紹左我係樂富嗰間御膳到食, 不過可能地段問題, 個個都好似唔係好鐘意嗰到!
可能因為樂富而家個商場整大左好多, 仲要分左兩邊, 所以個個都唔係好識搵, 而我地由停車場行到去, 都攪左成20分鐘, 因為係停車場唔識搵路, 再加上比人老點, 所以BKG左6:00到, 都攪到成6:30先去到, 好彩, 老豆今次做到嘢, 佢去左攞位先!
表叔都係, 一嚟到就火火地, 因為我6:15打比表妹, 佢話表叔已經係3樓, 但係6:30先到, 所以我估佢又係搵唔係好到, 可能係因為佢拖住舅婆行左咁耐, 跟住食食下仲同我講之前食嗰間而家好似轉左比人, 下次可以去再食下喎!
算啦, 間嘢d嘢食都幾好, 老豆仲話食呢 d 好過成日去酒樓食, d 餸幾好食之餘, 仲上得好快, 不過 d 人就7 D, 因為我地有成14個人, D餸只係得6個人份量, 又唔出聲話可以叫多客, 下下都要我再番叫! 你知啦, 老人家又怕餓襯, 細佬仔又唔等得!
好喇, 食埋星期一, 同奶奶做埋節, 就食完喇!
起碼要抖番一輪先, 因為好攰呀!!!
哎呀~~~你打黎問我點行過去吖嘛
回覆刪除[版主回覆09/20/2010 21:55:00]我冇諗過比人點架嘛~
真係呀, 連續咁扯幾日好死攰, 本嚟今日都要去飲茶架, 不過打風改期咋, 如果唔係我第4日喇~
回覆刪除[版主回覆09/20/2010 21:56:00]你一定攰過我啦, 你要帶住熙熙! 我星期四嗰日都係單拖咋!
咁我又ok, cos出去唔係太長時間, 如果要出街食2餐, 就一定要熙爸同我出去先得喇~
回覆刪除[版主回覆09/21/2010 12:50:00]因為我住得遠呀, 下下都要預備埋夜晚嗰餐出街囉~ 所以而家自己真係好難一個人去到咁遠!
可能嗰個人都唔識~~~
回覆刪除[版主回覆09/21/2010 12:52:00]嗰條仆街講起都扯火啦, 老點我地搭lift上二樓! 我地係停車場, 原來唔使搭lift上二樓, 一行出去馬路, 再行前幾步就已經係商場喇!!!
你住咁遠又會煩d, 我多數搵D地方一程車到, 食咗lunch先出發咁囉, 咁就帶少好多野喇!
回覆刪除[版主回覆09/21/2010 15:39:00]所以其實我應該考慮要帶背囊~