唔通真係?!

滕滕而家都仲有小小鼻水鼻涕, 唔知使唔使再去睇醫生呢!

不過, 今次病, 滕滕真係唔同左, 唔係乖左, 而係曵左, 仲要係好多!

人地話小朋友病完好多都曵左, 滕滕而家都未病完, 呢個精神狀態就已經出左嚟!

叫左佢唔好, 都仲係咁, 打完手手都仲要嚟, 仲越玩越過份, 屎塔都攞嚟玩!

家姐問我仲要唔攞走個屎塔喎! 唔好講得咁容易, 到時你個仔戒片你就知! 

我話而家同佢戒片, 基本上半個鐘至一個鐘左右就要叫佢地去廁所, 唔通成日張個屎塔搬嚟搬去咩, 唔搬屎塔就即係搬佢啦, 有時滕滕示意佢要痾vv, 叫/抱得佢去得廁所嚟, 佢都可能已經忍唔住啦, 因為佢地都仲未係好識架嘛! 仲有喎, 佢地大就仲攞命, 有時要比佢地睇住個電視先可以集中到, 如果係我地個廁所到, 大把嘢比佢攪, 咁又點痾得出呢~

家姐又話, 都要試下要佢地係廁所去啦! 唔好咁口嚮, 你睇日試下半個鐘頭叫佢去一次廁所, 一係就一日同佢地洗底褲洗到黑, 咁你就知道有幾難!

滕滕, 唔好怪我!

係你迫我架! 你唔玩個廁所, 我係唔會罰你舉蓋架!