乜原來你識架, 早講吖~!

第一次同滕滕啜鼻涕, 就係係上個星期日夜晚, 食左幾日藥滕滕仲有小小鼻水、鼻塞, 咁少不免都仲會再同佢啜多幾下!

原來啜鼻涕真係一個挑戰, 幫滕滕啜左第一次之後都覺得好似冇咩特別, 同老公嗌交有時都會喊到鼻涕都流晒出嚟, 跟住就自己唔多唔少都食番小小(好似好核突  ), 所以啜佢D鼻涕其實同食自己D鼻涕都係差唔多!

不過, 當第二次又再嚟嗰時, 個心又定左一定先去啜, 因為原來又要再比膽自己再嚟多次!

同追月嗰日同老公講, 滕滕仲有鼻水呀, 又有鼻塞, 想睇多次醫生但係又唔開, 第日放公番嚟就要同佢去睇多次喇! 話口未完, 滕滕D鼻水又流左出嚟喇!

我睇住老公攞張紙巾行去滕滕到, 跟住就叫滕滕"FREE"喎! 哎呀, 滕滕居然識呀!!!  雖然未可以好似我地大人咁咁大力, 但係佢原來識"FREE"鼻涕呀!!!

早講吖! 唔使下下同佢啜嘛, 有時叫佢自己"FREE"下都好吖!!!