上個星期六輪到我 on duty, 不過我一番到公司, 發現個水機著左紅燈? ..............著紅燈???? 唔練係呀化!!! 星期五朝早我睇過個水樽, 仲有半支水係到, 一日已經冇晒水?!
唔使問, 又係嗰個仆街會計啦!!! 唔係煲乜, 就煲7, 洗米都要用蒸餾水, 成公司都只係佢一個咁樣用水, 用晒d水就等人換!!! 都已經唔係第一次架啦, 所以我唔換, 我寧願張雪柜d 冰水叮番熱佢嚟飲, 我都唔換!!! 而且我仲打側左小小支水, 等感應唔到冇水而唔著燈!
到左尋日朝, 個會計以為換左水, 一番到公司佢就預備好晒想煲嘢, 不過當佢jump第一杯水嗰時, 佢見到紅燈著左, 但係佢jump完就行番埋位, 扮睇唔到!
唔緊要, 雖然著左燈, 但係仲有水架嘛, 我jump左水之後就打側左個樽, 等下一家用埋樽底嗰d先換囉! 而下一家, 咪就係佢囉!!! 因為星期一唔會係公司食, 會出去食! 除非個會計都唔係公司煮啦!
個仆街會計平時連洗菜、蒸包都係攞蒸餾水架, 第一因為佢驚死, 第二因為唔使佢比錢嘛! 但係尋日呢, 佢寧願用水喉水煮飯都唔換水喎, 擺明就玩嘢!
哈哈, 唔緊要, 我地都jump晒水, 而且lunch 仲出去食嘛, 老闆番嚟冇水, 咪又係知道係你用晒囉, 因為你係到食飯嘛!!!
個仆街八婆會計真係事事算盡囉, 你擺明唔換水, 我都擺明唔換架, 橫掂大家都知道唔啱傾啦! 3/4 支水係你用晒, 仲要折墮到用蒸餾水嚟洗菜, 唔通仲同你換呀?
咩人嚟架? 自私得佢呀!
回覆刪除[版主回覆09/01/2010 12:01:00]真係自私到冇人有, 如果佢係第間公司做, 我諗都唔會有人like佢囉~
佢係屋企係唔係咁架?
回覆刪除順帶一提，水如果放咗入微波爐叮係唔可以飲架
[版主回覆09/01/2010 12:45:00]佢好似同佢家姐個女一斉住, 不過我知道佢都係冇嘢同佢家姐個女有計傾!
同埋, 佢咁用水法, 話唔定佢可能jump定幾支水攞番屋企(唔使買濾水器, 又唔使煲水), 因為有乜可能一日冇左半支水吖!
仲咩水果要放入微波爐呀? 唔係有人鐘意熱食下嘛???
係--->水，如果放入微波爐，唔係水果
回覆刪除老闆知唔知佢咁用水呀?
[版主回覆09/01/2010 14:24:00]點解唔可以叮水呀?
我有同老闆講佢攞d蒸餾水嚟洗菜、蒸包, 老闆都覺得佢痴九線, 但係最可惜就係老闆係唔會出面話佢架!
好似話叮水之後會有毒，我唔係好記得喇，十年前有個同事同我講
回覆刪除咁而家點呀?無人換水咪無水飲?
叫老闆唔好訂水，每人一個月分配幾多枝水
[版主回覆09/01/2010 16:45:00]咁我又冇聽過叮完中毒喎...........
條八婆係我地出去食飯時換左啦! 佢都忽上腦, 唔係佢換, 唔通我地換呀!
以後都係咁...
回覆刪除[版主回覆09/01/2010 16:55:00]佢識做時我識做, 不過佢d咁嘅人應該都唔會變, 所以我係唔會理佢!