等張中國銀行信用卡已經等左好耐就攞到手, 所以尋日即刻去買左張 car seat, 因為我想快d可以攞到把風扇! 因為怕又唔知又要等幾耐可以有!
尋日碌完卡, 就打上去CS, 搵番之前同我跟卡嗰個男仔, 問佢大約又要等幾耐! 吖, 出奇地, 個男仔同我講, 如果我想快D攞到個禮品, 佢又可以urgent 咁同我攪喎! 可以唔使收到信, 直接帶ID去佢地個換領中心到攞就可以喎!
嘩~ 乜原來又有D咁嘅service 架?! 原來中國銀行 d procedure 咁彈性架, 你急就可以同你即刻攪, 你唔急, 就等你慢慢等! 哦, 原來可以係咁嘅, 咁我第日就知道點樣做喇!
找咭數時，你同佢講，我唔急找咭數呀
回覆刪除[版主回覆08/26/2010 15:39:00]都好喎~ 等佢打嚟同我講把風扇可以攞得嗰時, 我問下佢!
其實你係咪大客戶，所以至可以免審批呀?
回覆刪除我身邊無人有中x銀行呀
[版主回覆08/26/2010 16:19:00]唔係喎! 我只係有個saving a/c係佢嗰到咋, 不過我諗佢話就話免批核, 但係攪左成個月都仲話處理中, 所以我諗佢雖然話免批, 但係都會係咁意批下!
但無啦啦比張信用咭你咁都得嘅?
回覆刪除[版主回覆08/26/2010 23:06:00]可能係佢嗰到有個A/C卦, 又可能因為我有個股票戶口都唔定............
hsbc都係喇, 早幾日打嚟問我要唔要金卡呀~
回覆刪除之前佢哋寄過信嚟邀請我申請, 我都冇理佢, 睇嚟d銀行真係好等錢駛下!
[版主回覆08/29/2010 22:31:00]我成日都講, D銀行駁你總有一次係手緊, 咁駁一駁又唔使錢嘅, 所以咪耐唔耐打嚟囉!
如果通常係永久免年費, 我都會考慮下架!
至閉hsbc個cheap精淨係免一年呢, 所以我睬佢都傻呀~一陣連年費都蝕埋俾佢呀!!
回覆刪除[版主回覆08/31/2010 15:40:00]HSBC要每年打去叫佢免架, 我都覺得好鬼煩, 不過算啦, 我都用左好多年喇!