早知如此, 何必當初!

今個星期真係一d都唔好過, 菲律賓事件之後, 就有個6歲小妹妹由三十幾樓跌左落街死左, 原因係因為個媽媽襯個囡瞓左就去左買餸, 咁個女仔醒左見唔到媽咪就擒左出窗望媽咪, 咁就跌左落去喇!

呢D新聞都唔明點解耐唔耐就發生, 都唔係第一次架啦, 仲咩d父母咁疏忽架, 小朋友瞓幾耐跟本唔會有人可以預料到! 跌左落街先嚟喊到劏豬咁, 早知如此, 何必當初呢!

睇完新聞, 我就望一望滕滕, 其實小朋友真係好脆弱架, 如果唔係又點會需要我地去照顧呢, 如果佢地識得嘢, 就唔使我地嘅教導啦!

唉! 又一個小朋友失去左生命, 個心真係好痛呀!