今晚興奮都唔係好瞓得著, 所以就嚟成點鐘都開住個腦UP-LOAD D相!
好同學係加拿大番嚟, 更係要見一見啦!
一個星期前已經諗左好耐, 究竟買D咩送比佢好, 仲要係一家四口都啱用架喎! 諗左好耐, 都係買左個電子相架比佢!
我之前冇講過比佢聽係咩嚟, 佢一拆開就話佢之前已經好想買, 不過佢老公話等出D新款先喎! 出新款? 咁即係唔使買啦, D電子嘢出極都仲有更新!
所以我好開心撰左嗰樣嘢係佢都好鐘意架!
真係意猶未盡, 只係短短嗰幾個鐘頭, 傾都傾唔係好多, 因為都成四年冇見喇!
尤其係我地呢D已經有左小朋友, 平時想傾都冇時間可以傾咁耐啦!
奧海城金滿庭呀?
回覆刪除[版主回覆08/27/2010 14:21:00]醒目! 因為呢個地點方便各人番屋企, 又係地鐵上面, 方便放工過嚟, 而且又有得泊車!
係呀，真係好方便架~~~
回覆刪除[版主回覆08/28/2010 19:02:00]所以咪撰左呢樹囉!
同D FD 食飯吹水真係好HAPPY架.
回覆刪除[版主回覆08/28/2010 19:06:00]今次算OK喇, 因為次次我呢個FD番嚟, 都會叫一兩個+一兩個+一兩個, 而呢一兩個同嗰一兩個係唔識架, 所以好多時都傾唔係好到嘢(同埋好悶)!
因為我今次有要求, 問佢可唔可以唔好叫埋另外D一兩個一斉食飯, 因為如果咁樣我地會好冇引, 而我相信另外嗰一兩個都應該會好冇引囉~