今朝睇到單新聞, 就係話個bb冇坐係個car seat到, 跟住發生意外, bb就係咁就冇左喇!
car seat! car seat! 大半年前都已經講過話要買! 睇過, 睇過, 已經睇過! 不過都冇買到! 今朝就整左單咁嘅新聞, 攪到我又驚驚地! 所以我問老公, 究竟幾時先買到?! 幾時先去睇? 幾時先得閑?
我問老公, 係唔係我又自己去睇? 睇左就求其買?! 當然, 我都唔會求買啦, 我唔會搵滕滕嚟較飛嘅, 不過老公買嘢真係好麻Q煩, 一陣又話個款唔夠型, 一陣又話D顏色唔好睇! 好似張sofa 咁, 送到嚟又話好硬, 又話唔值, 又話乜乜, 又話77!
咁點吖, 唔買都買左啦, 你又成日唔得閑! 如果再係咁等你落去, 到我死鬼左到未買到呀! 我唔理喇, 講左話星期四去睇, 佢唔去, 我就自己買番嚟架喇, 到時唔好又話咁咁咁呀!
實用咪得囉,不過有時外表都好重要~~~
回覆刪除[版主回覆08/10/2010 11:41:00]呢兩樣對我老公嚟講都好重要, 不過仲要加埋第三樣, 就係佢覺得價錢係合理, 咁呢樣先最難!
嘩!!!!!!!!!!!!!!!!!!!!!!!!!
回覆刪除我都係頭兩樣，我老公都覺得我煩喇
[版主回覆08/10/2010 12:11:00]所以呢~ 次次同佢去買嘢, 點解九世都未買到, 就係咁解囉~!
你老公係唔係天秤座呀?
回覆刪除因為我地兩公婆同你老公一樣買嘢都會諗左諗右, 諗前諗後. 唔知關唔關星座事呢? 哈! 有得賴就賴.
[版主回覆08/10/2010 22:29:00]佢係最Q煩嘅處女坐, 追求完美主意! 樣樣嘢都要最啱佢心水先買!
OH! MY GOD, 處女座仲勁過我地天秤座呀.......
回覆刪除[版主回覆08/11/2010 23:16:00]據我所知, 處女座應該好似最TOP架!
係呀! 要求仲好多添呀! 你都頂得住, 勁呀!
回覆刪除[版主回覆08/13/2010 23:04:00]都好難頂下架! 所以好多時都反晒眼 !!!