識得我嘅人都知道我而家放工唔想同馮小姐一斉走, 所以今日都唔例外!
不過, 見佢今日夠鐘都仲唔行人, 我都已經昅住佢! 原來唔走係有原因, 因為當我係廁所番入嚟嗰時, 佢就行去我面前同我講: "老闆屋企係唔係有D router 唔用架?!"
因為早前, 老闆買左個router 係屋企用, 但就冇password, 而且發射得唔係咁好, 所以叫我同佢買一個勁d比佢, 咁冇用嗰d, 就攞左番嚟公司, 放左係佢自己房到!
馮小姐知道老闆之前叫過我買router, 所以今日就問我老闆係唔係有router 多!
一聽到, 我就抓晒頭, 因為冇諗住佢會咁我老闆d router 架嘛, 再問多佢一次, 原來佢真係想問電腦嗰d router! 嘩~ 唔好咁啦! 平嘅都只係百幾蚊之嘛! 所以我忍唔住就答佢: "自己買啦, 一個router 幾多錢啫! 唔好咁cheap 啦, 點問得出口呀!!!"
我真係唔想咁答佢, 但係真係唔好cheap 成咁囉! 之前已經係公司攞左把cutter 番屋企用, 借d而都冇攞番嚟啦(佢話佢唔想嘥錢買!!!)! 而家仲想要埋個router?! 咁老闆夜晚食剩嗰d餸, 使唔使留番比你, 問下你要唔要呀?!
佢諗住慳得一蚊得一蚊，哈哈哈
回覆刪除佢其實都幾慘，係人地面前充大頭，自己荷包又無蚊
[版主回覆08/10/2010 10:38:00]佢知我同老闆有計傾, 想借我把口嚟問! 我唔睬佢, 咁cheap 問唔出口!
佢擺完酒睇得出佢成個都鬆晒啦, 又話要擇時辰生仔, 奶樽唔貴唔買, 又買單鏡機! 不過唔好話我衰, 遲d佢生左, 我就睇下佢點, 到時又要請工人, 個仔又要打針, 遲d又要調遷!
你同事真係無得輸… 乜都死唔蝕底
回覆刪除[版主回覆08/10/2010 22:30:00]就算乜都唔想買, 但係都唔好連老闆屋企D嘢都打主意吖!!!