今晚滕滕又比我罰企同扭耳仔, 因為佢又咬地下塊膠墊喇!
我罰左佢10分鐘到, 老公就忍唔住同佢講叫佢下次唔好, 跟住就走埋去呵佢、抱佢! 不過, 滕滕對眼都係望住我, 因為係我罰佢, 咁所以佢自然係想我呵番佢啦! 不過當個工人係廚房出嚟, 滕滕就第一時間要個工人抱, 唉~ 幾心酸呀!
我一路罰滕滕, 老公就已經不停係到講: "真係慘, 咁細個就要比媽me罰企, 又扭耳仔!" 雖然老公咁講, 但係我都冇理佢, 因為我有我個rule!
之後, 我同老公講番, 我預左罰佢10分鐘, 因為如果係咁隨意罰下佢, 跟住就當冇事, 佢可能覺得好小兒科下次又再嚟過咪死, 咁就真係唔奀皮都變左奀皮啦! 我唔想一次一次咁加上去! 一係唔罰, 一罰就要有味道嘅, 咁當然唔係太過火啦!
老公聽到我講完之後, 佢都話明白我嘅做法, 不過佢話佢見到佢罰緊嗰時喊到咁淒涼就已經好心痛, 個心當堂軟晒, 佢所有唔啱嘅事都已經原諒晒佢, 唔係好似我咁忍得尤得佢喊!
一聽到老公話佢個心軟晒, 我就即刻問佢, 點解佢激我嗰時, 我喊到劏豬咁, 佢都可以一d都唔理, 一d都冇心軟嘅?! 佢一聽到, 就即刻回應左我一句: 戇居!
其實滕滕係唔係牙痕呀
回覆刪除[版主回覆08/19/2010 16:01:00]佢係呀! 上次講佢有4隻牙出, 原來唔係, 係6隻! 同埋可能因為張膠墊咬落去"煙煙un un", 所以佢係咁咬囉! 比牙膠佢又唔咬, 我都唔知點對付佢好, 冇奶油尤得佢咬張膠墊架嘛!
係啦，無毒都污穢啦，手指餅又唔食，牙膠又唔咬，比佢蘋果佢啦
回覆刪除[版主回覆08/19/2010 16:15:00]手指餅一早都已經唔食喇, 因為唔好味! 牙膠就唔使講啦, 買一個都唔咬, 我都唔知點解仲買個進級嘅比佢咬! 蘋果都唔可以食日食住啦, 佢又咬到張蓆一個一個牙印喇! 我都唔知可以點囉!
成個蘋果對比佢有排咬啦
回覆刪除[版主回覆08/19/2010 16:22:00] , 唔止有排咬, 仲好飽下潻啦!
試一日無壞吖，我咬一個蘋果牙都軟呀，佢無奶油好牙力過我架嘛
回覆刪除[版主回覆08/19/2010 17:22:00]個二人前日先同我講好耐冇買蘋果比滕滕食, 所以我都諗住食完晒d橙, 就輪到蘋果喇! 不過我怕蘋果只係止到一時, 止唔到時時!
唔緊要啦，蘋果試完到啤梨囉
回覆刪除再咬，榴槤西瓜大樹菠蘿出動呀
嘿嘿嘿
[版主回覆08/20/2010 14:18:00]嘩~!